રાજકોટ: જિલ્લાના ઉપલેટા તાલુકાના ભીમોરા ગામમાં ભાદર નદીના કાંઠે રમેશ જાવીયાની વાડીમાં કામ કરતા રમેશ માનસિંગભાઈના પરિવારના સભ્યો સહિત કુલ 30 જેટલા ખેત મજૂર સોમવારના રોજ સાંજે ભારે વરસાદના કારણે વાડીમાં ફસાયા હતા. કોઝ-વેમાં પાણી વધુ હોવાથી વહીવટી તંત્ર દ્વારા ફસાયેલા લોકો સાથે રાત્રિના પણ સતત સંપર્ક ચાલુ રાખ્યો હતો. મંગળવારના રોજ સવારે પૂરના પાણી ઓસરતા SDRFની ટીમે રેસ્ક્યૂ કરીને બોટ મારફતે તમામ લોકોને ભીમોરા ખાતે સલામત સ્થળે ખસેડ્યા હતા.
ભીમોરા ખાતે રેસ્ક્યૂ કાર્યવાહી માટે મામલતદાર જી.એમ. માવદીયા, ઇ/ચા. તાલુકા વિકાસ અધિકારી ડઢાણીયા, SDRF ના પી.એસ.આઇ. વાળા, પાટણવાવના પી.એસ.આઈ. રાણા, સર્કલ અધિકારી રામભાઈ, રેવન્યુ તલાટી ખુશીલ મકવાણા વગેરે અધિકારીઓએ જહેમત ઉઠાવી હતી.
