આટકોટમાંથી અંદાજે 3 લાખના વિદેશી દારૂ સાથે એક શખ્સની ધરપકડ

રાજકોટઃ આટકોટ પોલીસ સ્ટેસન વિસ્તારમાંથી એક શખ્સને વિદેશી દારૂ તથા વાહન મળી કુલ રૂપિયા 3,19,900 ના મુદ્દામાલ સાથે રાજકોટ લોકલ ક્રાઇમ બ્રાંચે પકડી પાડ્યો છે.

રાજકોટ ગ્રામ્ય જિલ્લાના પોલીસ અધિક્ષક બલરામ મીણાની 31 ડીસેમ્બરની ઉજવણી અનુસંધાને સ્પેશ્યલ ડ્રાઇવ સબબ પ્રોહીબીશનના કેશો શોધી કાઢવા અંગે સુચના આપેલી હતી. જે અન્વયે એલ.સી.બી.રાજકોટ ગ્રામ્યના પોલીસ ઇન્સપેક્ટર એમ.એન.રાણાના માર્ગદશન હેઠળ પો.હેડ કોન્સ.જયેન્દ્રસિંહ વાઘેલા તથા અનીલભાઇ ગુજરાતી તથા મહિપાલસિંહ જાડેજાને મળેલી હકિકત આધારે રેડ પાડવામાં આવી હતી.

આટકોટ પો.સ્ટે. વીસ્તારના ખારચીયા ગામ પાસેથી એક શખ્સ રાજેશભાઇ ઉર્ફે રાજુ ગોધાસરાને વિદેશી દારૂ 3,19,900 ના મુદ્દામાલ સાથે પકડી પાડ્યો હતો.