રાજકોટમાં 8 વર્ષની બાળકી સાથે બળાત્કાર ગુજારનાર આરોપીને આજીવન કેદની સજા ફટકારાઈ

રાજકોટમાં 8 વર્ષની બાળકી સાથે ક્રુરતા પૂર્વક બળાત્કાર ગુજારનાર આરોપીને કોર્ટે આજીવન કેદની સજા ફટકારી છે. સુતેલી બાળકીને ઉપાડીને અવાવર સ્થળે ગુજાર્યો હતો બળાત્કાર. સરકારી વકીલે ફાંસીની સજાની માંગ કરી હતી કોર્ટે આજીવન કેદની સજા ફટકારી છે. વાંચો સમગ્ર સમાચાર વિસ્તારપૂર્વક. Rajkot Court Life Time Imprisonment Rapist

રાજકોટઃ વર્ષ 2019માં માત્ર 8 વર્ષની બાળકી સાથે બળાત્કાર ગુજારનાર આરોપીને રાજકોટ કોર્ટે આજીવન કેદની સજા ફટકારી છે. પરિવાર સાથે બહાર સુતેલી બાળકીને ગોદડી સાથે ઉપાડી જઈને અવાવર સ્થળે આરોપીએ છરીની અણીએ ક્રુરતા પૂર્વક બળાત્કાર ગુજાર્યો હતો. આ ગુનાની ગંભીરતાને ધ્યાને લઈને સરકારી વકીલે કોર્ટમાં આરોપીને ફાંસીના માચડે લટકાવી દેવાની સજાની માંગણી કરી હતી. જો કે રાજકોટ કોર્ટે જીવનના છેલ્લા શ્વાસ સુધી કેદની સજા ફટકારી છે.

સમગ્ર ઘટનાક્રમઃ મૂળ બાબરાનો પરિવાર મજૂરી કામ અર્થે રાજકોટ આવ્યો હતો. આ પરિવારમાં પતિ, પત્ની ઉપરાંત પાંચ બાળકીઓ હતી. તા. 29 નવેમ્બર 2019ના રોજ આ પરિવાર રાજકોટના ભાવનગર રોડ પર કોર્પોરેશનના ગાર્ડનની બહાર ફૂટપાથ પર સૂતો હતો. રાત્રે લગભગ 12 કલાક પછી આરોપી હરદેવ માંગરોળીયા અહીંથી પસાર થયો. તેણે પરિવારની સૌથી મોટી 8 વર્ષીય બાળકીને ગોદડા સહિત ઉપાડી લીધી. આરોપી આ બાળકનીને ગાર્ડનના નજીક અવાવર સ્થળે લઈ ગયો હતો. તેણે બાળકી પર બળજબરી શરુ કરતા બાળકી સફાળી જાગી ઉઠી હતી. તેણીએ વિરોધ શરુ કરી દીધો. આરોપીએ બાળકીને છરી બતાવીને ક્રુરતા પૂર્વક બળાત્કાર ગુજાર્યો હતો. બળાત્કારને પરિણામે બાળકી અર્ધબેભાન થઈ ગઈ હતી. ત્યારબાદ આરોપી ઘટના સ્થળેથી ફરાર થઈ ગયો હતો. બાળકી લોહીલુહાણ હાલતમાં અવાવર સ્થળેથી જાહેર માર્ગ પર આવી. આ દરમિયાન તેણીના માતા પિતાને પણ બાળકી ગૂમ થઈ હોવાની જાણ થતા તેઓ બાળકીને શોધતા હતા. એક રિક્ષા ચાલકે બાળકીને શોધતી માતાને બાળકી લોહી લુહાણમાં આગળ છે તેવી માહિતી આપતા માતા પિતા બાળકી સુધી પહોંચી શક્યા હતા.

સરકારી વકીલની દલીલઃ આ સમગ્ર મામલે પોલીસ ફરિયાદ થઈ હતી. પોલીસે પરિવાર વિહોણા અને મફતિયા પરામાં જીવન ગુજારતા આરોપી હરદેવ માંગરોળીયાની ધરપકડ કરી લીધી હતી. તેના પર કોર્ટમાં કેસ ચાલ્યો હતો. 12 વર્ષથી નીચેની બાળકી પર બળાત્કાર થાય તો કાયદામાં ફાંસીની સજાની જોગવાઈ છે. તેથી સરકારી વકીલે કોર્ટમાં ફાંસીની સજાની માંગણી કરી હતી. જો કે કોર્ટે આરોપીને છેલ્લા શ્વાસ સુધી આજીવન કેદની સજા ફટકારી છે.

આરોપીએ 8 વર્ષીય બાળકીને છરી બતાવીને અવાવર સ્થળે ક્રુરતા પૂર્વક બળાત્કાર ગુજાર્યો હતો. બળાત્કારને પરિણામે બાળકી અર્ધબેભાન થઈ ગઈ હતી. ત્યારબાદ આરોપી ઘટના સ્થળેથી ફરાર થઈ ગયો હતો. 12 વર્ષથી નીચેની બાળકી પર બળાત્કાર થાય તો કાયદામાં ફાંસીની સજાની જોગવાઈ છે. તેથી અમે કોર્ટમાં ફાંસીની સજાની માંગણી કરી હતી. જો કે કોર્ટે આરોપીને છેલ્લા શ્વાસ સુધી આજીવન કેદની સજા ફટકારી છે...એસ. કે. વોરા(સરકારી વકીલ, રાજકોટ)