રાજ્યમાં લોકસભાની ચૂંટણીના મતદાનની બસ હવે ગણતરીની જ કલાકો બાકી છે. ત્યારે રાજ્યભરની પોલીસ એલર્ટ થઈ ગઈ છે. જે અંતર્ગત રાજકોટમાં પોલીસ દ્વારા ઠેર ઠેર મુખ્યમાર્ગો પર ચોકીઓ ઉભી કરીને સઘન ચેકીંગ હાથ ધરાયું છે. જેને લઈને આજે શહેરની ભક્તિનગર પોલીસે અતિ સંવેદનશીલ વિસ્તારોમા ચૂંટણીને અનુલક્ષીને ચેકીંગ હાથધર્યું હતુ. જેમાં ખાસ કરીને હિસ્ટ્રીસીટર, બુટલેગરો અને જામીન પર છુટેલા ઈસમોના ઘરે ચેકીંગ કરવામાં આવ્યું હતું.
ઉલ્લેખનીય છે કે, લોકસભાની ચૂંટણીના મતદાનમાં શહેરમાં શાંતિ જળવાય અને તે માટે પોલીસ તંત્ર દ્વારા પણ સઘન પેટ્રોલીંગ કરવામાં આવી રહ્યું છે.
