રાજકોટ: ભારે વરસાદની અગાહી, કલેક્ટરે અધિકારીઓને હેડક્વાર્ટર ન છોડવા આપ્યો આદેશ

રાજકોટઃ હવામાન વિભાગ દ્વારા આગામી 5 દિવસમાં રાજ્યમાં ભારેથી અતિભારે વરસાદની આગાહી કરવામાં આવી છે. જેથી રાજકોટ વહીવટી તંત્ર હરકતમાં આવ્યું છે, અને જિલ્લા કલેક્ટર દ્વારા કર્મચારીઓને હેડક્વાર્ટર ન છોડવાનો આદેશ આપવામાં આવ્યો છે.

રાજકોટ સહિત સૌરાષ્ટ્રમાં પણ 10 ઓગસ્ટના રોજ અતિભારે વરસાદની આગાહી કરવામાં આવી છે. જેથી રાજકોટ જિલ્લા કલેક્ટર ડો. રાહુલ ગુપ્તા દ્વારા ભારે વરસાદની અગાહીના પગલે કર્મચારીઓને હેડક્વાર્ટર ન છોડવાનો આદેશ આપવામાં આવ્યો છે. તેમજ કર્મચારીઓની રજાઓ પણ રદ રાખવામાં આવી છે.

ઉલ્લેખનીય છે કે, થોડા દિવસો પહેલા રાજકોટમાં 24 કલાક દરમિયાન 8 ઇંચ કરતા વધુ વરસાદ ખાબક્યો હતો. જેમાં શહેરના અનેક નીચાણવાળા વિસ્તારોમા ગોઠણ સુધીના પાણી ભરાયા હતા.