રાજકોટમાં યોજાનાર લોકમેળામાં પોલીસ 4G LTE સિસ્ટમનો ઉપયોગ કરશે

રાજકોટઃ પંથકમાં આગામી 22થી 26 ઓગસ્ટ સુધી લોકમેળાનું આયોજન કરાયું છે. જેના સુચારું સંચાલન માટે પોલીસ દ્વારા ચોક્કસ વ્ચવસ્થા ગોઠવવામાં આવી છે. આ કાર્યક્રમ માટે 100 પોલીસ અધિકારીઓ અને 1400 પોલીસકર્મીઓ ફાળવવામાં આવ્યાં છે.

રાજકોટમાં દર વર્ષે સાતમ આઠમના દિવસે સૌરાષ્ટ્રનો સૌથી મોટો લોકમેળો યોજાય છે. આ વર્ષે પણ રેસકોર્સ ખાતે ભવ્ય લોકમેળાનું આયોજન કરવામાં આવ્યું છે. લોકમેળા દરમિયાન કોઈ અનિચ્છનીય બનાવ ન બને તે માટે રાજકોટ પોલીસ દ્વારા વિશેષ વ્યવસ્થા ગોઠવામાં આવી છે.

દેશમાં પ્રથમ વખત અને એ પણ રાજકોટના લોકમેળામાં 4G LTE સિસ્ટમનો ઉપયોગ થશે. આ સિસ્ટમથી ભીડવાળા વિસ્તારમાંથી પણ પોલીસનો ફિલ્ડ સ્ટાફ સીધો જ કંટ્રોલરૂમનો કોન્ટેક્ટ કરી શકશે.

આ મેળા દરમિયાન DCP, ACP, PI સહિતના 78 અધિકારીઓ, 1373 જેટલા પોલીસ જવાનો, ટ્રાફિક વ્યવસ્થા માટે 23 અધિકારીઓ અને 899 પોલીસ કોન્ટેબલ ફરજ બજાવશે. આમ, તહેવાર દરમિયાન કોઈ અનિચ્છનીય બનાવ ન બને તે માટે પોલીસ દ્વારા સઘન સુરક્ષા વ્યવસ્થા રાખવામાં આવશે.