રાજકોટ : ગોંડલથી પંદર કિલોમીટર દૂર રામોદ ગામ પાસે GJ01 UU 9234 ડીઝલ ભરેલા ટેન્કર અને GJ03 DV 2619 ટેન્કર વચ્ચે અકસ્માત સર્જાયો હતો, જેમાં ટેન્કર રોડ પર પલ્ટી મારી ગયું હતું. તેમજ ડીઝલની રોડ પર રેલમછેલમ થઈ ગઇ હતી.
આ અકસ્માતમાં ટેન્કર ચાલક વિપુલ બાવકુભાઈ કોલા જેની ઉંમર 38 વર્ષ છે, જે ભાવનગરના રહેવાસી છે, તેનું મોત નીપજયું હતું. ત્યારે મૃતદેહને ગોંડલ સરકારી દવાખાને પીએમ માટે ખસેડવામાં આવ્યો હતો.
ડીઝલની રોડ પર રેલમછેલમ બોલી હોવાથી વાહન ચાલકોમાં ભયનો માહોલ ફેલાયો હતો. ત્યારે અકસ્માત સ્થળથી બંને સાઇડ વાહનોની કતારો જામી ગઇ હતી. ઘટનાને પગલે તાલુકા પોલીસનો કાફલો તેમજ ગોંડલ નગરપાલિકાના ફાયર ફાઈટર ઘટનાસ્થળે દોડી ગયા હતા.
