રાજકોટ રેલવે તંત્ર દ્વારા મેગા ડિમોલિશન હાથ ધરાયું

રાજકોટ રેલવે ડિવિઝન દ્વારા શહેરના ગોંડલ રોડ ઉપર આવેલા ઓવર બ્રિજ નીચેથી ડિમોલિશનની પ્રક્રિયા હાથ ધરવામાં આવી હતી. જેમાં 100 કરતા વધારે ઝૂંપડાઓ રેલવે તંત્ર દ્વારા તોડી પાડવામાં આવ્યા હતા.

• રાજકોટ રેલવે તંત્ર દ્વારા ઓવર બ્રિજ નીચે ડિમોલેશન
• રેલવે ટ્રેકની આસપાસ હતું ગેરકાયદેસર રીતે દબાણ
• અનિચ્છનીય ઘટના સર્જાય તે પહેલાં જ રેલવે તંત્ર દ્વારા કાર્યવાહી

રાજકોટ : રાજકોટ રેલવે ડિવિઝન દ્વારા શહેરના ગોંડલ રોડ ઉપર આવેલા ઓવર બ્રિજ નીચેથી ડિમોલિશનની પ્રક્રિયા હાથ ધરવામાં આવી હતી. જેમાં 100 કરતા વધારે ઝૂંપડાઓ રેલવે તંત્ર દ્વારા તોડી પાડવામાં આવ્યા હતા. છેલ્લાં કેટલાય સમયથી આ વિસ્તારમાં રેલવે ટ્રેકની આસપાસ ગેરકાયદેસર રીતે દબાણ કરવામાં આવી રહ્યું હતું. અહીં ગેરકાયદેસર દબાણ વધતા કોઈ મોટી અનિચ્છનીય ઘટના સર્જાય તે પહેલાં જ જેને રેલવે તંત્ર દ્વારા આજે કાર્યવાહી કરવામાં આવી હતી.

રેલવે પોલીસની સાથે સ્થાનિક પોલીસને સાથે રખાઈ

રાજકોટના ગોંડલ રોડ ઉપર આવેલા ઓવર બ્રિજ નીચે છેલ્લાં કેટલાંય સમયથી ગેરકાયદેસર રીતે ઝૂંપડાઓ બાંધીને લોકો વસવાટ કરતા હતા. જેને લઈને રેલવે તંત્ર દ્વારા 10 દિવસ અગાઉ જ આ લોકોને ગેરકાયદેસર દબાણની જગ્યા ખાલી કરવા માટેની નોટિસ પાઠવવામાં આવી હતી. પરંતુ તેઓ દ્વારા રેલવેની જગ્યા ખાલી કરવામાં નહી આવતા અંતે આજે વિભાગ દ્વારા ડિમોલિશન કરવામાં આવ્યું હતું. જેમાં રેલવે પોલીસ તેમજ કોઇ અનિચ્છનીય બનાવ ન બને તે માટે સ્થાનિક પોલીસને પણ સાથે રાખવામાં આવી હતી.

રેલવે ટ્રેકની બન્ને બાજુએ ઉભું થયું હતું ગેરકાયદેસર દબાણપ્રાથમિક વિગતો મુજબ જાણવા મળ્યું છે કે, અહીં રેલવે ટ્રેકની બંન્ને બાજુએ ગેરકાયદેસર દબાણ કરવામાં આવ્યું હતું. જેને લઈને આ વિસ્તારમાંથી નીકળતી ટ્રેનોને અહીં ધીમી પાડવી પડતી હતી. જ્યારે અહીં બન્ને બાજુએ રેલવે ટ્રેક પર ગેરકાયદેસર દબાણ હોવાના કારણે અકસ્માતનો પણ ભય હતો. જેને લઇને રેલવે તંત્ર દ્વારા આ પ્રકારની કામગીરી કરવામાં આવી છે. આ કામગીરી દરમિયાન અંદાજિત 100થી વધુ ઝૂંપડાંઓ રેલવે તંત્ર દ્વારા તોડી પાડવામાં આવ્યા હતા. ઉલ્લેખનીય છે કે, અગાઉ પણ લક્ષ્મીનગર નાલા ખાતે રેલવે તંત્ર દ્વારા ડિમોલિશન હાથ ધરવામાં આવ્યું હતું.