રાજકોટ ગ્રામ્ય જિલ્લાના પોલીસ અધિક્ષક બલરામ મીણાની સૂચના અનુસંધાને તેમજ પોલીસ ઇન્સ્પેક્ટર એમ.એન. રાણાના માર્ગદર્શન હેઠળ ASI પ્રભાતભાઇ બાલાસરા તથા પોલીસ કોન્સ્ટેબલ રહિમભાઇ દલ, મેહુલભાઈ સોનરાજ તથા ભાવેશભાઇ મકવાણા જસદણ વિસ્તારમાં પેટ્રોલીંગમાં કરી રહ્યા હતા.
તે દરમિયાન તેઓને મળેલી બાતમીના આધારે જસદણ ટાઉન વિસ્તારના કોઠી રોડ ગંજીવાડા સીમમાંથી દિનેશ ખીમજીભાઈ ગોટીની વાડીએથી જુગાર રમતા દિનેશ પરષોત્તમ ભાદાણી, અર્જુન ભીલા આમુસકર, રસિક લવજી વાલાણી, અશોક બાબુ ભાલાણી, દિનેશ ખીમજી ગોટી, હિંમત ઉકા લાડોલાને રોકડ રૂ.27,100/-, બાઇક નંગ-4 જેની કિં.રૂ. 75000/-, મોબાઇલ નંગ-1 કિં. રૂ. 500/- મળી કુલ કિંમત રૂપિયા 1,02,600 સાથે ઝડપીને કાયદેસરની કાર્યવાહી હાથ ધરી હતી.
