તહેવાર નજીક આવતા ખાદ્યતેલમાં જોવા મળ્યો વધારો

રાજકોટઃ આગામી દિવસોમાં સાતમ આઠમનો તહેવાર આવનાર છે. ત્યારે તેલ માફિયાઓ ફરી બેફામ થયા છે. હાલ સીંગતેલના ભાવમાં ડબ્બે 10 રૂપિયા જ્યારે કપાસિયા તેલમાં ડબ્બે રૂપિયા 20નો વધારો જોવા મળી રહ્યો છે. ત્યારે આગામી તહેવાર દરમિયાન મીઠાઈ, ફરસાણ સહિતના ખાદ્ય પદાર્થોના ભાવમાં પણ આ વધારો જોવા મળી શકે છે.

સાતમ આઠમના તહેવારોને માત્ર ગણતરીના જ દિવસો બાકી છે. ત્યારે રાજકોટમાં ખાદ્યતેલના ભાવમાં સત્તત વધારો જોવા મળી રહ્યો છે. હાલ સીંગતેલમાં રૂ.10ના વધારા સાથે 15 કિલોના ડબ્બાના 1820-1830 જેટલો ભાવ પર પહોંચ્યો છે. જ્યારે કપાસિયા તેલનાભાવમાં રૂ.20નો વધારો થતા ડબ્બો રૂ. 1310-1340 સુધી પહોંચ્યો છે. સાતમ આઠમના તહેવાર દરમિયાન મોટાભાગના લોકો મીઠાઈ, ફરસાણ સહિતના ખાદ્ય પદાર્થો આરોગતા હોય છે. ત્યારે ખાદ્ય તેલમાં ભાવ વફાહતા આ ચીજ વસ્તુઓનો પણ ભાવ વધે તો નવાઈ નહિ.