રાજકોટમાં વોન્ટેડ આરોપીને પકડનાર ATSની 4 મહિલા PSIનું સન્માન

રાજકોટઃ સૌરાષ્ટ્ર યુનિવર્સિટીમાં આજે રાજ્યના પોલીસ વિભાગમાં ફરજ બજાવતી ચાર મહિલા PSIનું સન્માન કરાયું હતુ. આ મહિલા PSI દ્વારા બોટાદના જંગલમાંથી કુખ્યાત આરોપીને ઝડપી પાડનાર ઝાબાઝ પોલીસ કર્મીઓ છે.

તાજેતરમાં બોટાદ જંગલમાંથી અલગ-અલગ 23 જેટલા ગુનામં વોન્ટેડ આરોપી જુસબ અલ્લારખા નામના ગુનેગારને ઝડપી પાડનાર ATSની ચાર મહિલા PSIનો સૌરાષ્ટ્ર યુનિવર્સિટીમાં અભિવાદન કાર્યક્રમ યોજાયો હતો.

ATSમાં ફરજ બજાવતા સંતોક ઓડેદરા, શકુંતલ મલ, નીતમિકાબા ગોહિલ અને અરૂણા ગામેતીએ આ સાહસભર્યુ કાર્ય કર્યું હતુ. તેમના જીવન પરથી અન્ય લોકો પણ પ્રેરણા લે તેવા હેતુસર મુખ્યપ્રધાનના પત્ની અંજલી રૂપાણીની ઉપસ્થિતિમાં તેઓનું સન્માન કરાયું હતુ.