રાજકોટ મહાનગરપાલિકામાં શુક્રવારે મેયર બીના આચાર્યના અધ્યક્ષ સ્થાને જનરલ બોર્ડ મળ્યું હતું. આ જનરલ બોર્ડમાં અગાઉ સત્તત 3 જનરલ બોર્ડમાં ગેરહાજર રહેલા અને ગેરલાયક ઠરેલ વોર્ડ નંબર 17ના મહિલા કોંગી કોર્પોરેટર ધર્મિષ્ઠા બા જાડેજા હાજર રહ્યા હતા. જેમને મેયર દ્વારા જનરલ બોર્ડમાંથી બહાર કાઢવા માટેનો હુકમ કરાતા કોંગ્રેસના કોર્પોરેટર રોષે ભરાયા હતા. શાસક પક્ષ અને વિપક્ષના કોર્પોરેટરો એકબીજાની આમને સામને આવી ગયા હતા. જો કે, બીપીએમસીના એક્ટ મુજબ ગેરલાયક ઠરેલ કોર્પોરેટર જનરલ બોર્ડમાં ઉપસ્થિત ન રહી શકે તે નિયમ મુજબ મહિલા કોર્પોરેટર જનરલ બોર્ડમાંથી જતા રહેતા સમગ્ર મામલો શાંત પડ્યો હતો.
મનપાની જનરલ બોર્ડમાં જોવા મળી ગરમી, સર્જાયા તુતુમેમેના દ્રશ્યો
