રાજકોટમાં નાણાંની આર્થિક તંગી સર્જાતા માતાપિતાએ જ પોતાની બાળકીને ગળેફાંસો આપીને મોતને ઘાટ ઉતારી દીધી હતી. શહેરના હંસરાજનગરમાં રહેતા મનીષ મહેશ રાવસાની નામના દંપતીએ મકાન ખરીદવા માટે બેન્કમાંથી અંદાજે રૂપિયા 30 લાખની લોન લીધી હતી. જો કે ધંધો બરોબર ન ચાલતા મનીષભાઈ બેંકના હપ્તા ચુકવવામાં અસફળ રહ્યા હતા જેથી તેમણે પહેલા પોતાની 16 મહિનાની બાળકી ખુશીને ગળેફાંસો આપીને મોતને ઘાટ ઉતારી દીધી હતી અને ત્યારબાદ દંપતોએ પોતે પણ પોતાના હાથ પર બેલ્ડના ઘા મારીને નસ કાંપી નાખી હતી. જે બાદ આ બન્ને લોકોએ ઝેરી ટિકડા ખાઇ આત્મહત્યાનો પ્રયાસ કર્યો હતો છતાં પણ મોત ન મળતા અને દંપતીએ પોતાને આગ ચાંપીને આત્મહત્યાનો પ્રયાસ કર્યો હતો.
આર્થિક સંકડામણ અને બેંક લોનની ચિંતામાં દંપતીને ક્રૂર વિચાર આવ્યો હતો અને તેમની 16 મહિનાની નિંદ્રાધીન પુત્રી ખુશીને ગળેડૂમો દઇ મોતને ઘાટ ઉતારી દીધી હતી. પુત્રીની હત્યા કર્યા બાદ મનીષભાઇ અને ભાવિકાબેને જાતે જ પોતાના હાથ પર બ્લેડથી છરકા કરી હાથની નસ કાપી નાખી હતી અને બંનેએ ઘેનના ટીકડાં પી લીધા હતા.હાથની નસ કાપવાથી બંનેના હાથમાંથી લોહી વહેવા લાગ્યું હતું. આખી રાત બંને તડપતા રહ્યા હતા. પરંતુ મૃત્યુ મળ્યું નહોતું.બંનેએ મોતના નિશ્ચય સાથે કેરોસીન છાંટી સજોડે અગ્નિસ્નાન કરી લીધું હતું.
હાલ બન્ને સારવાર અર્થે રાજકોટ સિવિલ હોસ્પિટલ ખાતે ખસેડવામાં આવ્યા છે. બીજી તરફ સમગ્ર મામલે રાજકોટ પોલીસે વધુ તપાસ હાથધરી છે.
