ગુજરાતમાં 23 એપ્રિલના રોજ મતદાન હાથ ધરવામાં આવનાર છે. ત્યારે ચૂંટણી સમયે રાજકોટમાં કોઈ અનિચ્છનીય બનાવ ન બને તેમજ કોઈ ગેરરીતિ ઉભી ન થાય તે માટે પોલિસ દ્વારા સત્તત ચેકીંગ હાથ ધરવામાં આવી રહ્યું છે. રાજકોટના મુખ્યમાર્ગો તેમજ સંવેદનશીલ વિસ્તારોમાં પોલીસ દ્વારા ચૂંટણીને ધ્યાનમાં રાખીને અલગ-અલગ ચેકપોસ્ટ ઉભી કરવામાં આવી છે. જ્યાં આજે રાજકોટ ઝોન 2ના ડીસીપી મનોહરસિંહ જાડેજા દ્વારા સપ્રાઈઝ ચેકીંગ હાથ ધરવામાં આવ્યું હતું. મહત્વનું છે કે રાજકોટમાં ઉભા કરાયેલ ચેકપોસ્ટ પર પોલીસ દ્વારા શહેરમાં પ્રવેશતા અને બહાર જતા વાહનોનું ચેકીંગ તેમજ શંકાસ્પદ વ્યક્તિઓની પૂછપરછ હાથ ધરવામાં આવી રહી છે.
