રાજકોટ: રાજકોટ કિસાન સંઘ દ્વારા આજે જિલ્લા કલેકટરને આવેદનપત્ર પાઠવવામાં આવ્યું હતું. જેમાં જણાવાયું હતું કે રાજકોટ તાલુકાના કુચીયાદડ અને સાતડા ગામમાં રસાયણિક દવા બનાવવાની ફેક્ટરી આવેલી છે. આ કારખાનામાં તૈયાર થયેલી દવા બાદ તેનું પાણી જમીનમાં ઉતારવામાં આવે છે. જેને લઇને વિસ્તારની આસપાસની જમીનને નુકસાન થયું છે.
જેથી તાત્કાલિક ધોરણે ફેક્ટરી બંધ કરવામાં આવે તેવા માગ કરવામાં આવી રહી છે. જેને લઈને આજે રાજકોટ કિસાન સંઘ તેમજ ગ્રામજનો દ્વારા આ મામલે જિલ્લા કલેકટરને આવેદનપત્ર પાઠવવામાં આવ્યું હતું.
રાજકોટના ગ્રામ્ય વિસ્તારોમાં ફેક્ટરીનું કેમિકલયુક્ત પાણી મામલે કિસાન સંઘનું આવેદન
