રાજકોટઃ જિલ્લાના ગોંડલ તાલુકાના અનિડા ભાલોડી ગામના સરપંચ સામત ભાઈ બામ્ભવાએ જણાવ્યું હતું કે અનિડામાં બે કોરોના પોઝિટિવ કેસ નોંધાતા ગ્રામજનોમાં ફફડાટ વ્યાપી જવા પામ્યો છે. કોરોના વાઇરસનું સંક્રમણ ગામમાં વિકરાળ ન બને તે માટે ગ્રામપંચાયત દ્વારા પાંચ દિવસનું લોકડાઉન કરવાનું નક્કી કરવામાં આવેલ છે. જેથી ગામમાં રહેતા કોઈ પણ મજૂર શ્રમિકોએ બહાર ગામ મજૂરી કરવા જવા ઉપર અનીડા ગ્રામ પંચાયત કચેરી દ્વારા પાબંધી લગાવવામાં આવી છે.
બહારગામ મજૂરી કામ કરતા હોઈ તો તેને ત્યાં જ રહેવા સૂચના આપવામાં આવે છે તથા તમામ વેપાર ધંધા 5 દિવસ સુધી બંધ રાખવાનો આદેશ કરવામાં આવ્યો છે. અનિડા ભાલોડી ગામમાં અનલોકમાં પણ ગ્રામપંચાયત દ્વારા 5 દિવસનુ લોકડાઉન જાહેર કરેલ છે અને કહેવામાં આવ્યું છે કે જેનો કોઈએ ભંગ કરવો નહી. અનીડા ગામ રહેતા હોય તેને બહાર ગામ કે અન્ય સ્થળે કોઈ અગત્યના કામ સિવાય કે પરમિશન વગર ગામની બહાર જવુ નહી તેવું નક્કી કરવામાં આવ્યું છે.
