રાજકોટ: ગોંડલ તાલુકાના બિલિયાળા ગામે ખેત મજૂરી કામ કરતાં અને મૂળ એમપીના મહેતાબભાઈ ચૌહાણની 11 વર્ષની પુત્રી કવિતા વરસાદમાં હોય ઝાડ નીચે ઉભી હતી. આ દરમિયાન ભારે પવનના કારણે ઝાડ ઉપરથી પસાર થઇ રહેલી 11 કે.વી. ની વીજ લાઈન ઝાડને અડતા કવિતાને શૉક લાગતા તેનું ઘટના સ્થળે જ કમકમાટીભર્યું મોત નીપજયું હતું.
ઘટનાની જાણ ગામના સરપંચ દીપકભાઈ રૂપારેલીયાને થતા બાળાના મૃતદેહને ગોંડલ સરકારી દવાખાને લાવી પોસ્ટમોર્ટમની કાર્યવાહી કરાવી હતી અને ઘટના અંગે તાલુકા પોલીસે તપાસ હાથ ધરી હતી. કવિતા બે ભાઈ અને બે બહેનોના પરિવારમાં મોટી હતી.
અકાળે તેનું નિધન થતા શ્રમિક પરિવાર શોકમાં ગરકાવ થયો હતો. આ બાબતે સરપંચ દીપકભાઈ દ્વારા ઉચ્ચકક્ષાએ રજુઆત કરતા મુખ્યપ્રધાન રાહત ફંડ માંથી 4 લાખનો ચેક આવતા પૂર્વ ધારાસભ્ય જયરાજસિંહ જાડેજાના હસ્તે બાળાના વાલીઓને આપવમાં આવ્યો હતો. આ તકે ટીડીઓ ગોહેલ સહિતનાઓ હાજર રહ્યા હતા.
