આજે ગુજરાતમાં સ્ટાર્સ પ્રચારકોનો પ્રચાર, એક્ટર મનોજ જોશીએ રાજકોટમાં યોજી સભા

રાજકોટઃ રાજ્યમાં બસ હવે મતદાનને ગણતરીના જ કલાકો બાકી છે. ત્યારે રાજકોટમાં અલગ અલગ જગ્યાએ ત્રણ જેટલા સ્થળોએ બોલિવૂડ સ્ટાર મનોજ જોશીએ પણ ભાજપ માટે પ્રચાર કરવા સભાઓ યોજી હતી. આ સાથે જ 2019ની ચૂંટણીમાં ફરી મોદી સરકાર બનાવવા માટે લોકોને અપીલ કરી હતી.

ગુજરાતમાં 23 એપ્રિલના રોજ મતદાન થવાનું છે. ત્યારે અંતિમ ઘડી સુધી ભાજપ, કોંગ્રેસ સહિતના પક્ષો દ્વારા પ્રચારમાં એડીચોટીનું જોર લાગવાઈ રહ્યું છે. આજે પણ રાજકોટમાં કોંગ્રેસના ખજાનચી અને રાજ્યસભાના સાંસદ અહેમદ પટેલે પત્રકાર પરિષદ યોજી હતી. ત્યારબાદ સીએમ રૂપાણીએ પણ રાજકોટમાં એક પત્રકાર પરિષદ યોજી કેન્દ્ર સરકારની પાંચ વર્ષની સિદ્ધિઓ વર્ણવી હતી. જ્યારે સાંજે બોલિવૂડ અભિનેતા મનોજ જોશીએ પણ રાજકોટમાં ભાજપના પ્રચાર માટે અલગ અલગ ત્રણ સ્થળોએ જનસભાને સંબોધી હતી.