પોરબંદરના સુભાષનગરમાં ખારવા સમાજની એક અનોખી પરંપરા છે. જેમાં દર વર્ષે વરસાદ ન આવ્યો હોય તે પહેલા મેઘરાજાને રીઝાવવા માટે મહિલાઓ અને બાળકો સહિતના લોકો ઢોલ-નગારા સાથે અહીં આવેલા એક મંદિરથી મોટી સંખ્યામાં નીકળે છે. જેમાં ભજન-કિર્તન કરતાં દરેક લોકોના ઘરે જાય છે અને તે સમયે નાની બાળાઓના માથે ચારણી હોય છે. જેમાં ઘરે-ઘરેથી લોકો તેમાં પાણી નાખે છે.
પોરબંદરમાં જળ જિલણીની અનોખી પરંપરા,જાણો શું છે પરંપરા
આમ, મેઘરાજાને રીઝવવાનો આ અનોખો પ્રયત્ન કરવામાં આવે છે. આ એક ભારતીય સંસ્કૃતિની અનોખી પરંપરા છે, જો કે આ પરંપરાની જ્યારે શરૂઆત કરવામાં આવી ત્યારે જ મેઘરાજા મન મૂકીને વરસી પડ્યા હતા અને લોકોમાં આનંદ છવાયો હતો. મેઘરાજાની પધરામણીથી લોકોએ મેઘરાજાનો આભાર માન્યો હતો.
