પોરબંદર જિલ્લામાં 3.82 લાખ વ્યક્તિઓનો કરાયો સર્વે

પોરબંદર જિલ્લામાં 3.82 લાખ વ્યક્તિઓનો સર્વે કરાયો હતો. આરોગ્ય કંટ્રોલરૂમમાં કર્મચારીઓ રાત દિવસ ફરવ બજાવે છે. આ તકે 55 તબીબો સહિત 950થી વધુ આરોગ્ય કર્મચારીઓ આ કામગીરીમાં જોડાયા છે.

પોરબંદર : કોરોના વાઇરસના નિયંત્રણ તેમજ શંકાસ્પદ દર્દીઓની ઓળખ થાય અને તેમને સમયસર સારવારની સાથે રોગને ફેલાવોતો અટકાવવા તેમને અલગ રાખી શકાય તે માટે જિલ્લા આરોગ્ય તંત્ર દ્રારા ઉડીને આખે વળગે તેવી કામગીરી કરવામાં આવી છે. આ તકે નિવાસી અધિક કલેકટર રાજેશ એમ.તન્નાએ જણાવ્યું હતુ કે, જિલ્લા કલેકટર ડી.એન.મોદીના માર્ગદર્શન હેઠળ જિલ્લામાં જનતાના સહાકારથી કોરોના વાઇરસ નિયંત્રણ, જનજાગૃતિ અને સાવચેતી બાબતે ટીમ વર્કથી કામ થઇ રહ્યુ છે. હજુ સુધી જિલ્લામાં કોરોનાનો એક પણ કેસ નોંધાયો નથી.

પોરબંદર જિલ્લામાં 3.82 લાખ વ્યક્તિઓનો કરાયો સ

તારીખ 27મી માર્ચ 2020ના રિપોર્ટ પ્રમાણે પોરબંદર જિલ્લામાં કુલ 10 ક્વોરન્ટાઇન સ્થળ ઉભા કરવામાં આવ્યા છે. હાલ કુલ 127 વ્યક્તિઓને ક્વોરન્ટાઇન રાખવામાં આવ્યા છે. જેમાંથી 53 વ્યક્તિઓને ડિસ્ચાર્જ કર્યા છે અને 74 વ્યક્તિઓ ચકાસણી હેઠળ છે.હોમ ક્વોરન્ટાઇનમાં રાખવામાં આવેલા 383 વ્યક્તિમાંથી ૭૭ વ્યક્તિઓનો સમયગાળા પૂર્ણ થઇ ગયો છે. જિલ્લા પંચાયત આરોગ્ય વિભાગના મુખ્ય અધિકારી ડો. રાઠોડના માર્ગદર્શન હેઠળ જિલ્લામાં રાત દિવસ સુપર વિઝનની કામગીરી આગળ વધી રહી છે. આરોગ્ય સ્ટાફે જનતાના હિતમાં રાષ્ટ્રસેવામાં સમર્પિત થઇને કામગીરી કરી છે. અત્યાર સુધીમાં ગામે ગામ ટીમોએ ફરીને 86,148 ઘર કે જેમાં 3,82,728 વ્યક્તિઓનો સર્વે કરવામાં આવ્યો છે. જે દર્દીઓને શરદી, તાવ, ઉધરસ હોય તેમને માર્ગદર્શન આપવામાં આવી રહ્યુ છે. પ્રાથમિક સારવારની સાથે આ રોગથી ગભરાવવુ નહિ અને ખોટી અફવાઓમાં આવ્યા વગર સત્ય હકીકત જાણવી તેની સમજણ આપી છીંક ખાતી વખતે રાખવાની સાવચેતી અને સત્તત 20 સેકન્ડ સુધી સાબુથી અથવા જો સેનિટાઇઝરથી હાથ સાફ કરવા જેની સમજણ આપવામાં આવી રહી છે.પોરબંદર જિલ્લામાં આરોગ્ય સ્ટાફની કામગીરી જોઇએ તો 31 આયુષ તબીબો, 23 એમ.બી.બી.એસ, ૨૧૬ પેરામેડિકલ સ્ટાફ, 400 આંગણવાડી કેન્દ્ર, 350 આશાવર્કરો, 30 વહિવટી સ્ટાફ સેવા બજાવી રહ્યા છે. આ સમગ્ર કામગીરીનું સંકલન મુખ્ય જિલ્લા આરોગ્ય અધિકારી ડો.એ.જી.રાઠોડના માર્ગદર્શન હેઠળ થઇ રહ્યુ છે. કંટ્રોલરૂમ પર કર્મચારીઓ ખાસ કામગીરીના ભાગરૂપે 12-12 કલાક સેવા આપી રહ્યા છે, તેમ ડેટા સંકલન કરતા ભાવેશભાઇ ઓડેદરાએ જણાવ્યુ હતું.