પોરબંદરના ધારાસભ્ય બાબુભાઈ બોખીરીયાએ સિવિલ હોસ્પિટલની મુલાકાત લીધી

દુનિયાભરમાં કોરોનાનો કહેર વર્તાયો છે, ત્યારે કોરોનાથી બચવા માટે સરકાર દ્વારા અનેક પગલાં ભરવામાં આવી રહ્યા છે અને લોકોને પણ જાગૃત થવા માટે અપીલ કરાઈ રહી છે. પોરબંદરના ધારાસભ્ય બાબુભાઇ બોખીરીયાએ શનિવારે પોરબંદરની ભાવસિંહજી હોસ્પિટલ ખાતે મુલાકાત લીધી હતી અને તમામ લોકોને કોરોના વાઇરસ અંગે જાગ્રત રહેવા જણાવ્યું હતું.

પોરબંદરઃ ધારાસભ્ય બાબુભાઇ બોખીરીયાએ શનિવારે પોરબંદરની ભાવસિંહજી હોસ્પિટલની મુલાકાત લીધી હતી અને આઈસોલેશન વોર્ડની પણ મુલાકાત લીધી હતી. જેમાં હાલ 2 વ્યક્તિઓ સારવાર લઈ રહ્યા છે. આ ઉપરાંત ખેડૂત તાલીમ કેન્દ્રમાં સાત લોકોને કોરનટાઈન વોર્ડમાં રાખવામાં આવ્યા છે અને કોરોના બાબતે સતર્ક રહેવા જણાવ્યું હતું.

આ ઉપરાંત જિલ્લા આરોગ્ય વિભાગ દ્વારા રવિવારે ઘર-ઘર જઈને તપાસ કરસીઆમાં આવશે તથા આસ પાસમાં કોઈ વિદેશથી આવ્યા હોય તો, તે અંગેની માહિતી આરોગ્ય વિભાગના કર્મચારીઓને આપવા વિનંતી કરાઈ હતી. આ ઉપરાંત 22 માર્ચના રોજ વડાપ્રધાનના દ્વારા જાહેર કરવામાં આવેલા જનતા કરફ્યૂમાં સહકાર આપી લોકોને બહાર ન નીકળવા અપીલ કરી હતી.