પોરબંદરના લોકમેળામાં ચકડોળ ધારકોને મંજૂરી ન મળતા મેળો શરૂ થયા સાથે જ વિવાદમાં આવ્યો હતો અને લોકોમાં નિરાશા વ્યાપી ગઈ હતી. ચકડોળ વગરનો મેળો ફિકો લાગી રહ્યો છે, પરંતુ મેળામાં અમુક ચકડોળને પરવાનગી મળતા બેથી ત્રણ ચકડોળ ચાલુ કરાયા હતા. જ્યારે ચીફ ઓફિસર આર. જે. હુદડે જણાવ્યું હતું કે, પોરબંદરમાં બનેલા રિવરફ્રન્ટમાં કાયમી ચકડોળ રાખવામાં આવશે તેવો નિર્ણય લેવાયો છે.
પોરબંદરના લોકમેળામાં એક દિવસનો વધારો
સાથે જ આ મેળામાં દરરોજ સંસ્કૃતિક કાર્યક્રમો યોજાય છે. સોમવારે લોકમેળામાં ભાવપરા અને કોટડા ગામની મહેર રાસ મંડળીએ રાસની રમઝટ બોલાવી હતી અને ત્યારબાદ લોકડાયરો યોજાયો હતો. જેને માણવા માટે મોટી સંખ્યામાં લોકોએ મોજ માણી હતી.
