પોરબંદરના પીપળીયા પાટિયા પાસે હીટ એન્ડ રનમાં એકનું મોત

પોરબંદરઃ પીપળીયા પાટિયા પાસે શનિવાર બપોરે સર્જાયેલા અકસ્માતમાં એક વ્યક્તિનું મોત નિપજ્યું હતુ. આ અકસ્માતમાં કાર અને બાઇક વચ્ચે ટક્કર થઈ હતી, જેમાં બાઈક ચાલકનું ઘટનાસ્થળે મોત નિપજ્યું હતું. જ્યારે કાર ચાલક અકસ્માત બાદ કાર સાથે નાસી છુટ્યો હતો.

પીપળીયા પાટિયા પાસે શનિવાર બપોરના 2 વાગીને 30 કલાકે પીપળીયા પાટિયા પાસે સ્વિફટ કારના ચાલકે પોતાની કાર બેદરકારીથી ચલાવી રહ્યો હતો. આ કાર ચાલકે પોતાના રફ ડ્રાઈવિંગથી નિલેષ ગોરધનભાઇ જેઠવાના બાઈક સાથે અથડાવી ગંભીર ઇજા પહોંચાડી હતી. આ અકસ્માતમાં નિલેષનું ઘટના સ્થળે જ મોત નીપજ્યું હતું.

મૃતક નિલેશ જેઠવાના કાકા કાનજીભાઈ જેઠવાએ અજાણ્યા સ્વીફ્ટ કાર ચાલક વિરૂદ્ધ બેદરકારીથી કાર ચલાવવા તેમજ હીટ એન્ડ રનની ફરિયાદ નોંધાવી છે. આ અકસ્માત બાબતે રાણાવાવ પોલીસે તપાસ હાથ ધરી છે.