પોરબંદરઃ પોરબંદરમાં એક પછી એક ખનીજ ચોરીના કિસ્સા (Mineral Theft Case in Porbandar) સામે આવી રહ્યા છે, ત્યારે પોરબંદરના રાતડી ગામે દસ શખ્સોએ પોતાની માલિકીના અલગ અલગ સર્વે નંબરની જમીનમાં બિન અધિકૃત ખનન કરતા ખાણખનીજ વિભાગે દંડ ફટકાર્યો હતો અને દંડની રકમ ન ભરતા તમામ વિરુદ્ધ મિયાણી પોલીસ સ્ટેશનમાં (Miyani Police Station Theft Case) ખાણ ખનીજ વિભાગના અધિકારીએ ફરિયાદ નોંધાવી છે.
બે કરોડથી વધુનું કરાયું બિન અધિકૃત ખનન
પોરબંદરના રાતડી ગામે નાગાજણ મોઢવાડીયા, આશીષસિહ રાઠોડ, લખમણ રાણાવાયા(ભારવાડા), પરબત મોઢવાડીયા, આત્યાં મેરામણ ખૂટી, ભીમ મેરામણ ખૂટી, લીલા મેરામણ ખૂટી, વિજય રૂપારેલ, જસ્મીન રૂપારેલ, અતુંલ રૂપારેલ સહિતના આ તમામ શખ્સો વિરુદ્ધ ખનીજ વિભાગના (Porbandar Mines and Minerals Department) રોયલ્ટી ઇન્સ્પેકટર બીવી સાધુએ બિન અધિકૃત ખનનની ફરિયાદ મિયાણી પોલીસ મથકે નોંધાવી છે.
આ પણ વાંચોઃ ખંભાળિયામાં ગેરકાયદેસર ખનીજ ચોરી પર જનતા રેડ, 4 ટ્રક પકડાયાં
કુલ 8,50,000ના મુદામાલ જપ્ત
આ શખ્સોની અલગ અલગ સર્વે નંબર વાળી જમીનમાં (Mineral Theft in Ratadi village) ચકરડી મશીન 10, ટ્રક 2, ટ્રેક્ટર 4 સહિત કુલ 8,50,000ના સાધનનો મુદામાલ જપ્ત કર્યો છે. બિન અધિકૃત રીતે ખનન કરતા ખાણ ખનીજ વિભાગે દંડ ફટકાર્યો હતો પરંતુ દંડ ન ભરતા મિયાણી પોલીસે મથકે ફરિયાદ (Illegal Mineral Theft in Porbandar) નોંધાઈ છે.
આ પણ વાંચોઃ દ્વારકા જિલ્લાના શક્તિનગર ગામેથી સામે આવી વ્યાપક પ્રમાણમાં ખનીજ ચોરી
