પોરબંદર: છેલ્લા કેટલાક સમયથી પશુઓમાં લમ્પી વાયરસે (Lumpi Virus in Animals) હાહાકાર મચાવ્યો છે. જામનગરમાં કેસ નોંધાયા બાદ હવે પોરબંદરના પશુઓમાં જોવા મળતો જૂનાગઢથી પશુ નિષ્ણાંતો (Animal Expert And Doctors) તથા તબીબોની ટીમ પોરબંદર દોડી ગઈ હતી. આ વાયરસમાં પશુઓના શરીર પર ફોલ્લીઓ (Sign of Lumpi Virus) થઈ જાય છે. જેના ચાઠા પણ પડી જાય છે. પોરબંદર પશુપાલન વિભાગના અધિકારીના જણાવ્યા અનુસાર લમ્પી વાઇરસ પશુઓમાં દેખાતા પશુઓ માટે પોરબંદરના ઔદ્યોગિક વિસ્તારમાં (Porbandar GIDC) એક ખાસ વૉર્ડ તૈયાર કરવામાં આવ્યો છે. પશુપાલન વિભાગ અને પાલિકાના તંત્રએ આ અંગે પગલાં લીધા છે.
આ પણ વાંચો: મિત્ર બન્યો યમરાજ : એવું તો શું થયું કે મિત્રએ જ મિત્રની કરી હત્યા
જૂનાગઢથી ટીમ આવી: જૂનાગઢથી નિષ્ણાત તબીબોની ટિમ પોરબંદર આવી હતી. ચેપી ત્રણ પશુઓમાંથી બ્લડ ,મસલ ડિસ્ચાર્જ, સ્કિન નોડલ્સ ,બ્લડ સિરમનું સેમ્પલ કલેક્શન કરી અમદાવાદ ખાતે મોકલવામાં આવ્યા હતા. આ ઉપરાંત પશુઓમાં ચકામાં થવા અને શ્વાસ વધુ ચડવો તથા સોજા ચડવા જેવા લક્ષણ લમ્પી વાઇરસના છે. આથી સ્થાનિક પશુપાલકો એ પોતાના પશુઓને બહાર ન કાઢવાની સલાહ પશુ તબીબોએ આપી હતી. જો લમ્પી વાયરસ દેખાય તો તાત્કાલિક પશુદવાખાનામાં અથવા સેવાભાવી સંસ્થાઓનો સંપર્ક કરવા જણાવ્યું હતું.
