Heavy Rain In Porbandar : જિલ્લામાં 3 દિવસમાં ભારેથી અતિભારે વરસાદની આગાહી

અષાઢી બીજના દિવસે પોરબંદરમાં ધોધમાર વરસાદ (Rain) વરસ્યો હતો. આગામી ત્રણ દિવસમાં ભારેથી અતિભારે વરસાદ પડે તેવી સંભાવના હવામાન વિભાગે વ્યક્ત કરી છે. પોરબંદરના બંદર પર ત્રણ નંબરનું સિગ્નલ પણ લગાવી દેવામાં આવ્યું છે. ત્યારે લોકોને સતર્ક રહેવાની પણ સૂચના અપાઇ છે અને માછીમારોને દરિયો ન ખેડવા પણ સૂચના અપાઇ છે.

• બરડા પંથક સહિત માધવપુર ઘેડ વિસ્તારમાં પણ Rainએ માઝા મૂકી
• લોકોને આગામી દિવસોમાં સાવચેત રહેવા જણાવાયું
• માધવપુરના મુખ્ય બજારના રસ્તાઓમાં પણ પાણી ભરાયા

પોરબંદર : જિલ્લાના બરડા પંથક સહિત માધવપુર ઘેડ વિસ્તારમાં પણ વરસાદે (Rain) માઝા મૂકી હતી. જિલ્લામાં 3 ઇંચથી પણ વધુ વરસાદ પડયો હતો. વરસાદના પાણી પોરબંદરના બજારમાં ફરી વળ્યા હતા. બરડા પંથક અને માધવપુર ઘેડમાં વીજળીના કડાકા ભડાકા સાથે સતત વરસાદ વરસી રહયો છે. માધવપુર શહેરના મુખ્ય બજારના રસ્તાઓમાં પણ પાણી ભરાયા છે.

પોરબંદરના બંદર પર ત્રણ નમ્બરનું સિગ્નલ લગાવાયું

અરબી સમુદ્રમાં લો પ્રેસર સર્જાતા હવામાન વિભાગ દ્વારા પોરબંદરના બંદર પર ત્રણ નમ્બરનું સિગ્નલ લગાવાયું છે. માછીમારોને દરિયો ન ખેડવા સૂચના અપાઈ છે. નદીના વિસ્તારમાં નજીક નીચાણવાળા એરિયામાં રહેતા લોકોએ સાવચેતી રાખવા પણ તંત્રએ જણાવ્યું છે અને દરિયાઈ વિસ્તારમાં તંત્રને એલર્ટ (Alert) કરી દેવામાં આવ્યું છે.

વરસતા Rainના કારણે જન જીવન પણ અસ્ત-વ્યસ્ત થયું

આજે વહેલી સવારથી પોરબંદરમાં વરસાદે વીજળીના કડાકા ભડાકા સાથે ધમાકેદાર એન્ટ્રી શરૂ કરી દીધી છે. સતત વરસતા વરસાદ (Rain)ના કારણે જન જીવન પણ અસ્ત-વ્યસ્ત થયું છે. લોકોને વીજળીના થાંભલા અને તાર પાસેથી પસાર ન થવા અને વીજળીથી તકેદારી રાખવા તંત્રે જણાવ્યું હતું.

આ પણ વાંચો -

• Heavey Rain In Himachal Pradesh : વરસાદના વીધે નાળાઓ ઉભરાયા, લોકોની અવર-જવર બંધ