NCC કેડેટ્સ દ્વારા ગાંધીજીની કર્મભૂમિથી નીકળેલી સાયકલ રેલી પહોંચી જન્મભૂમિ

પોરબંદર: ગાંધીજીની 150મી જન્મજયંતિ નિમિત્તે NCC ડાયરેક ગુજરાત દાદરા નગર હવેલી દીવ અને દમણ દ્વારા આયોજિત NCC કૅડેટ દ્વારા ગાંધીજીની કર્મભૂમિથી જન્મભૂમિ સુધી સાયકલ રેલીનું આયોજન કરાયું હતું. જેમાં દાંડીથી NCCના 13 જવાનો સાથે તારીખ 19ના રોજ નિકળી હતી. જે આજે રવિવારે 29 સપ્ટેમ્બરના રોજ ગાંધીજીની જન્મભૂમિ પોરબંદર ખાતે પહોંચી હતી. જ્યાં તેનું સ્વાગત કરાયું હતું.

આ રેલીમાં NCCના તમામ કેડેટ્સમાં 6 યુવાનો અને 5 યુવતીઓ હતી અને સાથે બે NCCના અધિકારીઓ હતાં. ઠેર ઠેર પહોંચી આ યુવાનોએ ગાંધીજીના જીવન મૂલ્યો શ્રમ સ્વચ્છતા અને સત્ય અહિંસા જેવા વિચારો લોકોમાં ફેલાવ્યા હતાં. આ ઉપરાંત શેરી નાટક અને ચર્ચાઓ કરીને અનેક કાર્યક્રમ કરવામાં આવ્યા હતાં. કીર્તિ મંદિરે આ તમામ યુવાનોનું સ્વાગત કરી NCCના મેજર એડિશનલ ડાઈરેકટર જનરલ રોય જોસેફના હસ્તે સર્ટીફીકેટ વિતરણ કરવામાં આવ્યા હતાં.