રાણાવાવમાં મામલતદાર કચેરી સામે કોંગ્રેસના ધરણા, ખેડૂતોને સહાય ચૂકવવા માગ

પોરબંદરના રાણાવાવમાં મામલદાર કચેરી સામે ખેડૂતોને સહાય ચૂકવવા માટે કોંગ્રેસે ધરણા યોજ્યા હતા. રાણાવાવ મામલતદાર કચેરીએ જય જવાન જય કિસાનના સૂત્રોચાર કરી કોંગ્રેસ નેતાઓએ આવેદન પત્ર પાઠવ્યું હતું. આ કાર્યક્રમમાં ખેડૂત નેતા પાલ આંબલિયા, ઇન્દ્રનીલ રાજ્યગુરુ, માંગરોળના ધારાસભ્ય બાબુભાઈ વાજા, વિસાવદરના ધારાસભ્ય હર્ષદ રિબડીયા અને અર્જુન મોઢવાડીયા સહિતના કોંગ્રેસના કાર્યકરો ઉપસ્થિત રહ્યા હતા.

• ખેડૂતોને સહાય ચૂકવવા માટે રાણાવાવમાં મામલતદાર કચેરી સામે કોંગ્રેસના ધરણા
• વિસાવદરના ધારાસભ્ય હર્ષદ રિબડીયા, માંગરોળના ધારાસભ્ય બાબુભાઇ વાજા સહિત ખેડૂતનેતા ઉપસ્થિત
• મુખ્યપ્રધાન કિસાન સહાય યોજનામાં અમલ કરી ખેડૂતને એક લાખ સુધીની સહાય ચૂકવવાની માગ

પોરબંદરઃ રાણાવાવમાં મામલદાર કચેરી સામે ખેડૂતોને સહાય ચૂકવવા માટે કોંગ્રેસના નેતઓએ મામલતદારને આવેદન પત્ર પાઠવ્યું હતું. રાજ્ય સરકાર દ્વારા તારીખ 10 ઓગસ્ટના દિવસે મુખ્યપ્રધાને પ્રેસ કોન્ફરન્સમાં જણાવ્યું હતું કે ચાલુ વર્ષની ખરીફ ઋતુ માટે પ્રધાનમંત્રી પાક વીમા યોજના રદ કરીએ છીએ અને તેની જગ્યાએ મુખ્યમંત્રી કિસાન યોજના લાગુ કરવામાં આવે છે. ત્યારે 10 ઓગસ્ટ સુધીમાં ખેડૂતો પ્રધાનમંત્રી પાક વીમા યોજના નિયમો મુજબ પાક વીમા પ્રીમિયમ બેન્કોમાં જમા કરાવી દીધો હતો. ત્યારબાદ અચાનક જ પ્રધાનમંત્રી પાક વીમા યોજના ખેડૂતોની સંમતિ લીધા વગર એકપક્ષીય નિર્ણય લઇ રદ કરવામાં આવ્યા હોવાનું કોંગ્રેસના નેતાઓએ આક્ષેપ લગાવ્યો હતો.

રાણાવાવ મામલતદાર કચેરી કોંગ્રેસ નેતાઓએ આવેદન પત્ર પાઠવ્યુંઆ ઉપરાંત મુખ્યમંત્રી કિસાન સહાય યોજનાની શરતો અને નિયમો મુજબ 15 ઓક્ટોબરથી 15 નવેમ્બરના સમયગાળામાં સતત 48 કલાકમાં 50 મીટર એટલે કે બે કે તેથી વધારે ઇંચ વરસાદ પડે તો માવઠું ગણવામાં આવશે અને જે તાલુકામાં તાલુકા મથકે માળખાનો વરસાદ નોંધાયો છે તેના સાત દિવસમાં જિલ્લા કલેક્ટર દ્વારા સરકારને દરખાસ્ત મોકલવાની રહેશે. ત્યારબાદ સાત દિવસમાં રાજ્ય સરકારે નિર્ણય કરી પંદર દિવસમાં ડીડીઓને નુકસાનીની આકારણી મુજબ જો 33 ટકાથી 60 ટકા સુધીનું નુકસાન હોય તો પ્રતિ હેક્ટર રૂપિયા 20,000 વધારે 4 એટલે કે 80 હજાર પાક નુકશાન વળતર પેટે ચૂકવવાના અને નુકસાનના 60 ટકા કરતાં વધારે હોય તો પ્રતિ એકર 25000 વધારેમાં વધારે ચાલે તેની મર્યાદામાં એટલે કે રૂપિયા એક લાખ સુધીના પાક નુકશાન વળતર પેટે ચૂકવવાના થાય છે. જે ચૂકવવા રાણાવાવ મામલતદાર કચેરીએ સૂત્રોચાર કરી કોંગ્રેસ નેતાઓએ આવેદન પત્ર પાઠવી માગ કરી હતી.ધારાસભ્યો અને ખેડૂત નેતાઓએ આપી આંદોલનની ચીમકી

કોંગ્રેસ દ્વારા યોજવામાં આવેલ ઘરના કાર્યક્રમ માં વિસાવદરના ધારાસભ્ય હર્ષદ રિબડીયા, અને માંગરોળ ના ધારાસભ્ય બાબુ ભાઈ વાજા ,ખેડૂત નેતા પાલભાઈ આંબલિયા ,ઇન્દ્રનીલ રાજ્યગુરુ અને કોંગ્રેસ નેતા અર્જુનભાઇ મોઢવાડીયા તથા પોરબંદર જિલ્લા કોંગ્રેસ પ્રમુખ નાથાભાઇ મોઢવાડીયા સહિતના નેતાઓએ ખેડૂતોની માગ ન સંતોષાય તો આગામી સમયમાં ઉગ્ર આંદોલન કરવાની ચીમકી ઉચારી હતી.