પોરબંદરમાં કુટીર હસ્તકલા મેળાનું આયોજન, બાબુભાઇ બોખીરિયાએ કરાવ્યું ઉદ્ઘાટન

પોરબંદર: શહેરના અસ્માવતી રિવરફ્રન્ટ ખાતે કાર્યવાહક નિયામક indext c ગુજરાત સરકાર દ્વારા આયોજિત કુટિર હસ્તકલા મેળાનું ધારાસભ્ય બાબુભાઇ બોખીરિયાના હસ્તે ઉદ્ઘાટન કરવામાં આવ્યું છે. આ 6 દિવસીય મેળામાં જુદા-જુદા સ્ટોલ પરથી અનેક હસ્તકલાની ચીજવસ્તુઓની ખરીદી સીધી જ શહેરીજનો કારીગરો પાસેથી કરી શકશે.

શહેરના અસ્માવતી રિવરફ્રન્ટ ખાતે તા.16 થી 22 જાન્યુઆરી સુધી યોજાનાર આ કુટિર હસ્તકલા મેળામાં હાથસાળ હસ્તકલાના માટીકામ, મોતીકામ, ભરતકામ, વાંસકામ અને ગૃહ સુશોભનની અનેક ચીજવસ્તુઓની ખરીદી ગ્રાહકો સીધા જ કારીગરો પાસેથી કરી શકશે. હસ્તકલા મેળામાં પ્રવેશ અને પાર્કિંગ વિનામૂલ્યે છે. કુટિર હસ્તકલા મેળો તારીખ 22 જાન્યુઆરી સુધી દરરોજ બપોરે 1 કલાકથી રાત્રિના 9 સુધી ખુલ્લો રહેશે. જેમાં ગ્રાહકો ખરીદી કરી શકશે.

આ પ્રસંગે પોરબંદર નગરપાલિકાના પ્રમુખ અશોકભાઇ બ્રેજા કલેક્ટર ડી.એન.મોદી, અધિક કલેક્ટર રાજેશ ખન્ના, પ્રાંત અધિકારી કે વિભાગ તથા ઇન્ડસ્ટ્રીયલ અધિકારી આર.આઈ. જાંબુ સહિતના અધિકારીઓ ઉપસ્થિત રહ્યા હતા.