પોરબંદર: રવિવારે કોરોના પરીક્ષણ માટે 91 સેમ્પલ લેવામાં આવ્યા હતા જેમાંથી 34 સેમ્પલ પોરબંદરની લેબોરેટરીમાં તપાસ માટે મોકલવામાં આવ્યા હતા. આ સેમ્પલ માંથી 26 નેગેટિવ ચાર પોઝિટિવ અને ચાર શંકાસ્પદ સેમ્પલના પેન્ડિંગ રિપોર્ટ છે.
ઉપરાંત 58 સેમ્પલ જામનગર મોકલવામાં આવ્યા હતા જેમાંથી 35 નેગેટિવ નીકળ્યા છે. 3 રિજેક્ટ થયા છે અને 20 રિપોર્ટનું રીઝલ્ટ પેન્ડિંગ છે.
આ સાથે જ રવિવારે જિલ્લામાં 4 નવા કોરોના પોઝિટિવ કેસ નોંધાયા છે જ્યારે 1નું મોત થયું છે.
ચકલા સાવલિયા શેરી પાસે રહેતા 58 વર્ષીય પુરુષ , 39 વર્ષના મહમદપુર બિહારના રહેવાસી એક પુરુષ, તથા 55 વર્ષીય મહિલા જે કે કે નગર બોખીરા પાસે રહે છે તેમનો કોરોના રિપોર્ટ પોઝિટિવ આવ્યો હતો.
પોરબંદરના મઢુલી શેરી નંબર 1 વાડી પ્લોટમાં રહેતા 73 વર્ષના મહિલા ધીરજબેન નરેન્દ્રભાઈ લાલચેતાનું મોત થયું છે.
