હારીજ નજીક નર્મદાની કેનાલમાં યુવક-યુવતીએ મોતની છલાંગ લગાવી

હારીજ નજીકથી પસાર થતી નર્મદા કેનાલમાં યુવક-યુવતીએ મોતની છલાંગ લગાવી આત્મહત્યા કરી હતી. કેનાલમાં બન્નેના મૃતદેહો પાણી પર તરતા હોવાની જાણ થતા પોલીસ ઘટનાસ્થળે દોડી આવી હતી અને તરવૈયાઓની મદદથી મૃતદેહને બહાર કાઢી પોસ્ટમોર્ટમ અર્થે રેફરલ હોસ્પિટલમાં ખસેડયા હતા.

● હારીજ નજીકથી પસાર થતી નર્મદા કેનાલ બની છે સ્યૂસાઇડ પોઈન્ટ
● સોમવારે વધું એક યુગલે લગાવી મોતની છલાંગ
● પોલિસે બન્ને મૃતદેહને પોસ્ટમોર્ટમ અર્થે હારીજ હોસ્પિટલમાં ખસેડી તપાસ શરૂ કરી

પાટણઃ હારીજ નજીકથી પસાર થતી નર્મદા કેનાલ છેલ્લા કેટલાક સમયથી યુગલો માટે સ્યૂસાઇડ પોઇન્ટ બની છે. જિંદગીથી હતાશ બનેલાઓ અવાર નવાર આ કેનાલમાં ઝંપલાવે છે. ત્યારે સોમવારે આ કેનાલના પાણી ઉપર યુવક અને યુવતીનો મૃતદેહ તરતો જોવા મળ્યો હતો. જેની જાણ થતાં ટોળે ટોળા ઘટના સ્થળે દોડી આવ્યા હતા અને પોલીસને જાણ કરી તરવૈયાઓની મદદથી બંને મૃતદેહનેે બહાર કાઢવામાં આવ્યા હતા. જેઓની ઓળખ વિધિ કરતા યુવાનનું નામ મેહુલ સોમાજી ઠાકોર અને યુવતી પાયલબેન ઠાકોર થરોડની હોવાનું સામે આવ્યું હતું.

20 દિવસમાં બની બીજી ઘટના
અત્રે ઉલ્લેખનીય છે કે, આ નહેરમાં 20 દિવસમાં બીજા યુગલે આત્મહત્યા કરી છે.