ચાણસ્માના બ્રાહ્મણવાડા ગામમાં 700 વર્ષથી ચાલી આવે છે. પુત્રના સારા અને તંદુરસ્ત સ્વાસ્થ્ય માટેની પરંપરા. આ પરંપરા મુજબ ગામમાં જે માતાને પહેલા ખોળે પુત્રનો જન્મ થાય છે તે પુત્રની માતા પુત્રના સારા સ્વાસ્થ્ય માટે એક કિલોમીટર લાંબી દોડ લગાવે છે.
વર્ષોથી ચાલી આવતી આ પરંપરામાં ગામમાં પહેલા પુત્રની દરેક માતા અચૂક જોડાય છે. કેમ કે, અહી સવાલ છે પુત્રના સારા અને તંદુરસ્ત સ્વાસ્થ્યનો.તેથી જ માતા તેના પુત્રના તંદુરસ્ત સ્વાસ્થ્ય માટે ખુલ્લા પગે એક કીલોમીટર સુધી દોડે છે. જેમાં માતાઓ હાથમાં નાળીયેર પર ત્રિશુલ અને લોટ બાંધીને ગામના ગોગ મહારાજના મંદિરથી દોડે છે. એકકિલોમીટર દૂર આવેલા વેરાઈ માતાના મંદિરે દોડીને પહોંચે છે. જેમાં ક્યાંક માતા દોડતા દોડતા થાકી જાય છે તો ક્યાંક પડી પણ જાય છે, તેમ છતાંય હિંમતથી માતા વેરાઈ માતાના મંદિરે પહોંચે છે. પુત્રના સારા સ્વાસ્થ માટે માતાજીના આશીર્વાદ મેળવે છે.
