પાટણઃ ગુજરાત રાજ્યની અગ્રીમ સહકારી સંસ્થા ગુજકોમાસોલમાં વ્યાપક ભ્રષ્ટાચાર અને ગેરરીતિઓ (Gujcomasol Corruption case )બાબતે પાટણના ધારાસભ્ય ડો. કિરીટ પટેલ અને સહકારી અગ્રણી દશરથ પટેલે હાઈકોર્ટને રજૂઆત કરી હતી. જેને ધ્યાનમાં લઈ હાઈકોર્ટે બે મહિનામાં આ મામલે તપાસ કરી તેનો અહેવાલ હાઈકોર્ટમાં (High Court on corruption case in Gujcomasol ) રજૂ કરવા રાજ્ય સરકારને આદેશ (High Court orders to Government) કર્યો હતો.
પાટણના ધારાસભ્ય અને સહકારી અગ્રણીએ હાઇકોર્ટના દ્વારા ખટખટાવ્યાં
ગુજરાત રાજ્યમાં ખેડૂતોના હિતને લક્ષમાં લઈને કામ કરતી સહકારી સંસ્થા ગુજકોમાસોલમાં, ગુજકોમાસોલના જ ચૂંટાયેલા ડિરેક્ટર દશરથભાઈ જેઠાભાઈ પટેલ અને અને પાટણ ધારાસભ્ય ડો કિરીટ પટેલ દ્વારા રાજ્ય સરકારના સહકાર વિભાગ અને રજીસ્ટ્રાર સહકાર મંડળીઓને ગત તા. 5 જુલાઈ 2021ના પત્રથી ગુજકોમાસોલમાં ચાલતી ગંભીર ગેરરીતિઓ (Gujcomasol Corruption case )બાબતે ધ્યાન દોરી સહકારી કાયદાની જોગવાઈ પ્રમાણે જરૂરી તપાસ કરી જવાબદાર અધિકારીઓ સામે પગલાં લેવા રજૂઆત કરી હતી. છતાં પણ રાજ્ય સરકાર દ્વારા કે રજિસ્ટ્રાર દ્વારા કોઈ અસરકારક પગલાં લેવાયાં નહોતાં.
જમીન છ ઘણા ભાવથી ખરીદી
રાજ્ય સરકારને પુનઃ તા.16 ઓક્ટોબર 2021ના રોજ ગુજકોમાસોલે કોઈપણ જાતની પ્રક્રિયા કર્યા સિવાય અને જમીનની જરૂરીયાત ન હોવા છતાં બનાસકાંઠા જિલ્લાના બોદલા ગામે જમીન છ ઘણા ભાવથી ખરીદી ગુજકોમાસોલને લાખો રૂપિયાનું નુકશાન કરાવ્યું હતું. ગુજકોમાસોલની હાલની ઓફિસ બિલ્ડીંગ અમદાવાદના નવરંગપુરા વિસ્તારમાં હોવા છતાં ગાંધીનગર ખાતે નવી ઓફિસ બનાવી તેના કોન્ટ્રાક્ટમાં કરોડો રૂપિયાની ગેરરીતિ (Gujcomasol Corruption case )કરવામાં આવેલી છે.
140 થી વધારે કર્મચારીઓની ભરતીમાં ગેરરીતિ
ગુજકોમાસોલમાં આ કમિટીએ વહીવટ સંભાળ્યા બાદ 140થી વધારે કર્મચારીઓની ભરતી રોજગાર કચેરીમાંથી નામો મંગાવ્યા વગર અને સહકારી કાયદાની ભરતીના નિયમો તથા ગુજકોમાસોલના નિયમોનો ભંગ કરી કરવામાં આવી છે. જેના પરિણામે ગુજકોમાસોલને રૂપિયા છ કરોડ જેટલું નુકશાન થયેલું છે અને ગુજકોમાસોલને કાયમી આર્થિક બોજ (Gujcomasol Corruption case )ઉભો થયો છે.
વીમાના પ્રિમિયમની રકમ ગુજકોમાસોલના ખાતામાંથી ભરી
ગુજકોમાસોલની ચૂંટણી સને-2022માં થવાની હોવાથી તા. 25 જાન્યુઆરી 2021ની વ્યવસ્થાપક કમિટીમાં 397 જેટલી સહકારી મંડળીઓને નવા સભાસદ બનાવવામાં આવેલા છે. ગુજકોમાસોલની તા. 21 માર્ચ 2021ની મીટીંગમાં કમિટી સભ્યોના અને તેમની પત્નીઓના પણ વીમાના પ્રિમિયમની રકમ ગુજકોમાસોલના (Gujcomasol Corruption case )ખાતામાંથી ભરેલી છે.
આ પણ વાંચોઃ Metro Rail Project Ahmedabad: મેટ્રો રેલ પ્રોજેક્ટ મામલે નાના વેપારીઓની હાલાકીનો મુદ્દો પહોંચ્યો હાઈકોર્ટ
હાઈકોર્ટમાં રીટ પિટિશન કરવાની ફરજ પડી
આ રજૂઆત બાબતે પણ રાજ્ય સરકાર અને રજીસ્ટ્રાર તરફથી કોઈ અસરકારક ભગલાં ન ભરાતા નાછુટકે દશરથભાઈ પટેલ દ્વારા આ મામલે નામદાર હાઈકોર્ટમાં રીટ પિટિશન કરવાની ફરજ પડી હતી. જે રીટ પિટિશનની સુનાવણી નામદાર હાઈકોર્ટના જજ ભાર્ગવ ડી. કારીયાની કોર્ટમાં થઈ હતી. હાઈકોર્ટે અરજદારના એડવોકેટ શિવાંગ જાનીની રજૂઆતોને ધ્યાનમાં લઈ રાજ્ય સરકાર અને રજીસ્ટ્રારને અરજદારોએ કરેલી રજૂઆતો અને સાથે આપેલા પુરાવાઓને લક્ષમાં લઈને તપાસ પૂર્ણ કરી તેનો અહેવાલ બે મહિનામાં રજૂ કરવા (High Court orders to Government) આદેશ કર્યો હતો.
આ પણ વાંચોઃ ગુજકોમાસોલના પૂર્વ ચેરમેન પાસે રિકવરી કરવા હાઈકોર્ટે રજીસ્ટ્રારને પાઠવી નોટીસ
25 એપ્રિલે પિટિશનની બીજી સુનાવણી કરવામાં આવશે
હાઈકોર્ટે (Gujcomasol Corruption case )આ રીટ પિટિશનમાં રાજ્ય સરકારને, રજીસ્ટ્રારને, ગુજકોમાસોલને, ગુજકોમાસોલના ચેરમેન દિલીપભાઈ સંઘાણી, વાઈસ ચેરમેન ગોવિંદભાઈ પરમાર અને કમિટી મેમ્બર અમરતભાઈ દેસાઈને પણ નોટીસ ઈસ્યુ કરી હોવાનું જાણવા મળ્યું છે. આ રીટ પિટિશનનીબીજી સુનાવણી તા.25 એપ્રિલ 2022 ના રોજ કરવામાં આવનાર હોવાનું જાણવા મળ્યું છે. હાઇકોર્ટેમાં આ કેસમાં અરજદારો તરફથી એડવોકેટ શિવાંગ જાની ખાસ હાજર રહ્યાં હોવાનું અરજદાર દશરથભાઈ પટેલે જણાવ્યું હતું.
