પાટણમાં દેશની આઝાદી પહેલા સ્થપાયેલી બી.ડી.સંચાલિત વિદ્યાલયના 74 વર્ષ પૂર્ણ

પાટણ: દેશ આઝાદ થયો તેના બે વર્ષ અગાઉ પાટણમાં જેૈન મંડળ સંચાલિત બી.ડી. સાર્વજનિક વિદ્યાલયની સ્થાપના કરવામાં આવી હતી. પાટણમાં શિક્ષણની જ્યોત પ્રજ્વલિત કરવાના હેતુસર આ વિદ્યાલયની સ્થાપના કરાઈ હતી. બી.ડી.સંચાલિત વિદ્યાલય સફળતાપૂર્વક 74 વર્ષ પૂર્ણ કરી 75માં વર્ષમાં પ્રવેશ કર્યો છે. ત્યારે શાળા પરિવાર દ્વારા અમૃત મહોત્સવની ઉજવણી કરવામાં આવી હતી.

આ વિદ્યાલયમાં અત્યારસુધી અભ્યાસ કરી ચુકેલા મોટાભાગના વિદ્યાર્થીઓ આ ઉત્સવમાં ભાગ લેવા માટે પાટણ પહોંચ્યા હતા. શાળાના ભૂતપૂર્વ રહી ચુકેલા અને રાજ્યના પૂર્વ ગૃહપ્રધાન રજની પટેલ આ કાર્યક્રમમાં ખાસ ઉપસ્થિત રહ્યાં હતા. સાથે જ શાળાના 75માં સ્થાપના દિવસની ઉજવણીમાં સહભાગી બન્યા હતા.