પાટણ: શહેરના વિવિધ વેપારી એસોસિયેશનના પ્રતિનિધિઓ સાથે કલેક્ટરની એક બેઠક યોજાઇ હતી. આ બેઠકમાં મદદનીશ કલેકટર સ્વપ્નિલ ખરે એ જણાવ્યું હતું કે સરકાર દ્વારા હવે કોઈ લોકડાઉન આપવામાં નહી આવે. કોરોનાની મહામારી સામે આપણે જાગૃત બની સાવચેતીપૂર્વક લડવાનું અને બચવાનું છે. બજારોની સાથે વેપાર ધંધા ધમધમતા બન્યા છે, ત્યારે વેપારીઓ અને ગ્રાહકો સંક્રમણનો ભોગ ન બને તે માટેની સાવચેતી માટે દરેક વેપારીઓ પોતાની દુકાનની આગળના ભાગે પારદર્શક પ્લાસ્ટિકના પડદા લગાવે તે જરૂરી છે. આ પ્લાસ્ટિકના કારણે વેપારી અને ગ્રાહકો વચ્ચે અંતર પણ જળવાઈ રહેશે અને સહેલાઇથી ધંધો પણ કરી શકાશે.
મદદનીશ કલેક્ટરની વેપારી એસોસિયેશનના પ્રતિનિધિઓ સાથે બેઠક યોજાઇ
