- પાટણ જિલ્લામાં કોરોનાના કેસમાં વધારો
- જિલ્લામાં કોરોનાના નવા 210 કેસ નોંધાયા
- જિલ્લામાં પોઝિટિવ દર્દીઓનો આંક 7765 થયો
પાટણઃ જિલ્લામાં કોરોનાના કેસમાં સતત વધારો થઈ રહ્યો છે. છેલ્લા 20 દિવસથી જિલ્લામાં દરરોજ 100થી વધુ પોઝિટિવ કેસ નોંધાઈ રહ્યા છે, ત્યારે મંગળવારે જિલ્લામાં કોરોનાના નવા 210 કેસ નોંધાયા હતા. જેથી લોકોમાં ભયનો માહોલ જોવા મળી રહ્યો છે.
આ પણ વાંચોઃ પાટણ જિલ્લા કોરોના અપડેટ: નવા 181 કેસ નોંધાયા
પાટણ શહેરમાં સૌથી વધુ કેસ સામે આવ્યાં
પાટણ શહેરના અલગ-અલગ વિસ્તારમાંથી કોરોનાના નવા 61 કેસ સામે આવતા જિલ્લા આરોગ્ય તંત્રમાં દોડધામ મચી છે. પાટણ શહેર ઉપરાંત તાલુકાના ગ્રામ્ય વિસ્તારમાં 46, ચાણસ્મા શહેરમાં 1 અને તાલુકામાં 9, રાધનપુર શહેરમાં 9 અને તાલુકામાં 8, સિદ્ધપુર શહેરમાં 9 અને તાલુકામાં 21, હારીજ શહેરમાં 2 અને તાલુકામાં 9, સાંતલપુર નગરમાં 3 અને તાલુકામાં 17, સરસ્વતી તાલુકામા 11, સમી શહેરમાં 2 અને તાલુકામાં 2 કેસ, શંખેશ્વર નગરમાં 1 અને તાલુકાના ટુવડમાં એક કેસ નોંધાયો છે.
આ પણ વાંચોઃ પાટણની ધારપુર સિવિલ હોસ્પિટલમાં નવા 200 બેડ તૈયાર, પરંતુ ઓક્સિજન જ ન હોવાથી શોભાના ગાંઠિયા સમાન
આરોગ્ય તંત્રએ ટેસ્ટિંગ વધારવાની જરૂરિયાત
પાટણ જિલ્લામાં નોંધાયેલા નવા 210 કોરોના પોઝિટિવ કેસમાં સૌથી વધુ પાટણ શહેરમાં અને તાલુકામાં પોઝિટિવ કેસ નોંધાયા છે. જેથી જિલ્લા આરોગ્ય તંત્રએ ગ્રામીણ અને શહેરી વિસ્તારોમાં ટેસ્ટિંગ વધારવાની તાતી જરૂરિયાત છે. જો ગામડાઓમાં કોરોનાના કેસમાં વધારો થશે તો તેને કાબૂ કરવો મુશ્કેલ બનશે. ધારપુર મેડિકલ કોલેજ ખાતે મોટી સંખ્યામાં કોરોનાના દર્દીઓને સારવાર અપાઈ રહી છે. કેટલાક પાટણના કોરોના પોઝિટિવ દર્દીઓ અમદાવાદમાં પણ સારવાર લઈ રહ્યા હોવાની વિગતો જાણવા મળી છે.
