પાટણ જિલ્લામાં કોરોનાના નવા 180 કેસ નોંધાયા

પાટણ શહેરમાં સહિત જિલ્લામાં કોરોનાના કેસમાં વધારો થઈ રહ્યો છે. ત્યારે બુધવારે પાટણ જિલ્લામાં 180 કેસ નોંધાયા છે. પાટણ શહેરમાં 27 કેસ નોંધાતા લોકોમાં ફફડાટ વ્યાપ્યો છે. જિલ્લામાં કોરોના પોઝિટિવ દર્દીઓની સંખ્યા 7945 ઉપર પહોંચી છે. જ્યારે શહેરમાં પોઝિટિવ દર્દીઓની સંખ્યા 3246 થઈ છે. જ્યારે ધારપુર સિવિલ હોસ્પિટલમાં સારવાર લઈ રહેલા એક યુવકનું મોત થયું છે. અત્યાર સુધીમાં જિલ્લામાં કોરોનાથી 77 લોકોના મોત થયા છે.

• જિલ્લામાં કોરોનાનો હાહાકાર
• નવા 180 પોઝિટિવ કેસ નોંધાયા
• પાટણમાં શહેરમાં 27 નવા કેસ સાથે કુલ આંક 3219 થયો
• જિલ્લાનો કુલ આંક 7945 થયો

પાટણઃ જિલ્લામાં કોરોનાના નવા 180 કેસ નોંધાયા છે. જેમાં પાટણ શહેરમાં સૌથી વધુ 27 કેસ નોંધાયા છે. શહેરની સોસાયટી વિસ્તારોમાં કોરોના બેકાબૂ બન્યો છે. જિલ્લાભરમાં પણ અલગ-અલગ તાલુકા વિસ્તારોમાં કોરોનાના કેસમાં ચિંતાજનક વધારો થઇ રહ્યો છે. શહેરની ખાનગી હોસ્પિટલોમાં પણ મોટી સંખ્યામાં કોરોનાના દર્દીઓ સારવાર હેઠળ છે.

પાટણ જિલ્લામાં કોરોનાના નવા 180 કેસ નોંધાયા

શહેરના બજારોમાં લોકોની ભારે ભીડ

ધારપુરની મેડીકલ હોસ્પિટલ ખાતે પણ તંત્ર દ્વારા દર્દીઓની સંખ્યા જોતા અલાયદી વ્યવસ્થા ગોઠવાવામાં આવી હતી. હાલમાં ધારપુર સિવિલના કોવિડ કેર સેન્ટરની તમામ બેડ દર્દીઓથી ભરાઈ ગયા છે. જેને લઈ બીજા દર્દીઓ હોસ્પિટલમા દાખલ થવા લાઈનમાં ઉભા છે. પાટણ શહેરમાં 27 કેસ નોંધાતા લોકોમાં ફફડાટ વ્યાપ્યો છે. શહેરમાં કોરોના પોઝિટિવ આંક 3246 પર પહોંચ્યો છે. તેમ છતાં શહેરના બજારોમાં લોકોની ભારે ભીડ જોવા મળે છે.

આ પણ વાંચોઃ પાટણ જિલ્લામાં કોરોનાના નવા 210 કેસ નોંધાયા

પાટણ તાલુકામાં 35 કેસ નોંધાયા

પાટણ શહેર ઉપરાંત તાલુકાના વિવિધ ગામમાં 35 કેસ, સિદ્ધપુર શહેરમાં 11 અને તાલુકામા 30 કેસ, રાધનપુર શહેરમા 5, સમી નગરમાં 1 અને તાલુકામાં 9, હારીજ નગરમાં 1 અને તાલુકામાં 8, શંખેશ્વર નગરમાં 5 અને તાલુકામાં 14 કેસ તથા સરસ્વતી તાલુકામાં 16 કેસ, ચાણસ્મા શહેરમાં 1 અને તાલુકામાં 18 કેસ નોંધાયા છે. હાલમાં 484 દર્દીઓના રિપોર્ટ પેન્ટિંગમાં છે. જ્યારે 1154 દર્દીઓ હોમ આઈસોલેશન હેઠળ સારવાર લઇ રહ્યા છે.