જામનગર : જિલ્લાના પડાણા નજીક ત્રિપલ અકસ્માત સર્જાયો છે. આ અકસ્માતમાં બે લોકોના કરૂણ મોત નીપજ્યા છે. મળતી માહિતી અનુસાર જાણવા મળે છે કે, આ બંને મૃતક મિત્ર હતા. પડાણાથી જામનગર આવતી વખતે કાર, ટ્રક અને રિક્ષા વચ્ચે ત્રિપલ અકસ્માત સર્જાયો હતો. આ દરમિયાન રિક્ષામાં સવાર બંને યુવાન મિત્રના ઘટનાસ્થળે જ મોત નીપજ્યા હતા.
બે યુવકોનું ઘટનાસ્થળે મોત : જામનગર ખભાડીયા રોડ પર અચાનક જ કાર બેકાબૂ થતાં કારે રિક્ષાને અડફેટે લીધી હતી અને અકસ્માત સર્જાયો હતો. આ દરમિયાન ટ્રક ચાલકે પણ બેલેન્સ ગુમાવતા ત્રણેય વાહનો એકબીજા સાથે અથડાયા હતા. જેમાં કારની ટક્કરથી રિક્ષામાં સવાર બે મિત્રોના મોત થયા હતા. આ બે યુવાનો બાંધકામનો સામાન મુકીને જામનગર પરત આવતા હતા, તે સમયે બંને યુવાનોને અકસ્માત નડ્યો.
પરિજનોમાં શોકની લાગણી: માહિતી અનુસાર, અકસ્માતની ગોઝારી ઘટનામાં સોહીલ વલીભાઈ શેખ અને ફરાશ હાજી કાસમ નામના વ્યક્તિના મોત થયા હતા. આ બંને મિત્રોના મૃત્યુ નીપજતા પરિવારમાં હાલમાં શોકનો માહોલ છવાયો છે.
આ પણ વાંચો:
