યાત્રા ધામ પાવાગઢ મંદિરમાં ભક્તો દ્વારા ચઢાવવામાં આવેલ 1200 કિલો ચાંદી પૈકી 579 કીલો ગ્રામ ચાંદી ઓગાળવાના નામે કરોડોની કિંમતની ચાંદી કાલિકા માતાજી મંદિરના નવ નિમાયેલ ટ્ર્સ્ટ દ્વારા સગે વગે કરવાનો સનસનીખેજ આરોપ મુકાયો છે. 579 કિલોગ્રામ ચાંદી ગાળવા ટચ કરાવવા એટલે કે, રીફાઇન્ડ કરવાનું કારણ ધરી 70 ટકા કથિત ચાંદીની ઘટ બતાવી ગાયબ કરવામાં આવી હોવાના અરજદાર વિરલ ગોસ્વામી દ્વારા સનસની ખેજ આરોપ મંદિરના ટ્રસ્ટ સામે મુકવામાં આવ્યો છે. આ મામલે પંચમહાલ પોલીસ દ્વારા યોગ્ય તપાસ કરવામાં ન આવતા અને કોર્ટના હુકમનું પાલન કરવામાં ન આવતા ફરિયાદી દ્વારા આરોપ મુકવામાં આવ્યો છે.
પંચમહાલના પાવાગઢ મહાકાળી મંદિરના ટ્રસ્ટીઓ પર ગેરરીતિનો આરોપ પાવાગઢ કાલીકા મંદિર ટ્રસ્ટના વર્તમાન સેકેટરી રાજુ પરેશ પટેલ અને જીગ્નેશ ભટજી મળી 3 ટ્રસ્ટીઓ દ્વારા ટ્રસ્ટની 579 કિલોગ્રામ ચાંદી ગાળવા ટચ એટલે કે, રિફાઇન કરવાનું કારણ ધરી ચાંદી ગાયબ કરવાનો આક્ષેપ ગાંધીનગર કલોલના અરજદાર વિરલગિરી ગોસ્વામી દ્વારા સ્પેશિયલ ક્રિમિનલ એપ્લિકેશન પિટિશયન દાખલ કરવામાં આવી છે. જેમાં IPC 201,182,114 સહીતનો ગુનો દાખલ કરી કેસની તપાસ CID ક્રાઇમને સોંપવાની માગ કરવામાં આવી છે.જોકે આ સમગ્ર મામલે પાવગઢ શ્રીકાલિકા માતાજી મંદિર ટ્રસ્ટના વર્તમાન સેકેટરી રાજુ ભટ્ટ દ્વારા રદિયો અપાયો છે. ફરિયાદી દ્વારા કરવામાં આવેલ આક્ષેપો પાયા વિહોણા હોવાનું જણાવ્યું હતું. વર્ષ 2016 દરમિયાન હાઈ કોર્ટ મામલાને કાઢી નાખવામાં આવ્યો હોવાનો મન્દિર ટ્રસ્ટ સેકેટરી દ્વારા દાવો કરવામાં આવ્યો છે.30-1-2020ના રોજ વિરલગીરી ગોસ્વામી દ્વારા કરવામાં આવેલ ક્રિમિનલકેસ એપ્લિકેશનમાં કથિત ચાંદી પ્રકરણ મામલે હાલોલ પોલીસ દ્વારા તપાસ કરવામાં આવી હતી જેના દાતા ટ્રસ્ટીનું નિવેદન લેવામાં આવ્યું ન હોવાનો આક્ષેપ કરવામાં આવ્યો છે.
