પંચમહાલના શહેરા નગર વિસ્તારમાં નાના-મોટા દબાણોનો રાફડો ફાટી નીકળ્યો છે. શહેરાની આસપાસ આવેલા રોડની આસપાસ દબાણોને કારણે રસ્તાઓ સાંકડા થઇ ગયા છે. જેના કારણે ટ્રાફિક જામની સમસ્યાઓ ઉભી થાય છે. આ દબાણો દૂર કરવા માટે શહેરા મામલતદાર મેહુલ ભરવાડની અધ્યક્ષતામાં મામલતદાર કચેરી ખાતે PI એન.એમ.પ્રજાપતિ, પાલિકાના ઇન્ચાર્જ ચીફ ઓફિસર એમ એ. સોલંકી અને શહેરાના અગ્રણીઓની હાજરીમાં એક મિટિંગનું આયોજન કરવામાં આવ્યું હતું. જેમાં રોડને અડીને આવેલા દબાણો દૂર કરવા અંગે દબાણકારોને જાણ કરવામાં આવશે અને ચર્ચાઓ તેમજ અગ્રણીઓને પણ સહકાર આપવા સૂચન કરવામાં આવ્યુ હતુ.
પંચમહાલના શહેરામાં દબાણો હટાવવાની કાર્યવાહીને લઈને મિટિંગ યોજાઈ
