નવસારી: નવસારી જિલ્લા બાર એસોસિએશન દ્વારા આજે નવસારી જિલ્લા અધિક કલેકટર કમલેશ રાઠોડને આવેદનપત્ર પાઠવવામાં આવ્યું હતું. એસોસિએશને જણાવ્યું કે, વકીલોએ વારંવાર ઘણા ઘર્ષણોનો સામનો કરવો પડે છે. વકીલો પર હુમલા અને હત્યાના ગુના પણ વધી રહ્યા છે. આથી વકીલોમાં ભય જોવા મળે છે.
કચ્છ જિલ્લાના રાપરમાં પણ વકીલ ઉપર ઘાતકી હુમલો કરી તેમની હત્યા કરવામાં આવી હતી, જેને નવસારી બાર એસોસિએશને સખત શબ્દોમાં વખોડી કાઢી હતી અને રાપરના વકીલના હત્યારાઓને તાત્કાલિક ઝપડી પાડી સખત સજા કરવાની માંગણી ઉચ્ચારી હતી. આ સાથે જ વકીલો ભયમુક્ત પોતાની પ્રેક્ટિસ કરી શકે તે માટે તેમને રક્ષણ આપવામાં આવે તેમ જ એડવોકેટ પ્રોટેક્શન એક્ટ બનાવી તેને લાગુ કરવાની માગણી પણ કરી હતી.
