નવસારી તાલુકાના ધારાગીરી ગામેથી થોડા દિવસો પહેલા 48 લાખ રૂપિયાના બે હાઈવા ટ્રકની ચોરી થઈ હતી. જેની ગ્રામ્ય પોલીસના ચોપડે ફરિયાદ નોધાયા બાદ હરકતમાં આવેલી નવસારી એલસીબી પોલીસે આસપાસના સીસીટીવી કેમેરાઓને ચકસતા એક કાર શંકાસ્પદ જણાઈ હતી. જેને આધારે પોલીસે આરોપીઓને પકડવા બાતમીદારોનું નેટવર્ક એક્ટિવ કરતાં ઇટાળવા ત્રણ રસ્તા પાસેથી બાતમીના આધારે હાઈવા ટ્રકો ચોરી કરતી ગેંગના ચાર સભ્યોને ઝડપી પાડ્યા હતા. જેમની પૂછપરછમાં મૂળ યુપીનો અને સુરતમાં રહી મચ્છી વેચતા અબ્દુલ કલામ ચૌધરી ગેંગનો મુખ્ય સુત્રધાર હોવાનું અને અન્ય ઇસમો પાસેથી ટ્રકોની જીપીએસ સિસ્ટમ નિષ્ક્રિય કર્યા બાદ ટ્રકો ચોરી કરીને મહારાષ્ટ્રના નાસિક ખાતે ગુરમુખસિંગ ઉર્ફે બિરલા સિંધુને 2 થી 3 લાખ રૂપિયામાં વેચી દેતા હતા.
નવસારી સહિત દક્ષિણ ગુજરાતના 1.84 કરોડ રૂપિયાના 10 હાઈવા ટ્રકોની ચોરીનો ભેદ ઉકેલાયો
