નવસારીમાં 77 દિવસ બાદ કોરોનાના 10 પોઝિટિવ કેસ નોંધાયા

નવસારીમાં જૂન મહિનો કોરોના કેસો(Corona Case)માં રાહત લઈને આવ્યો છે. જિલ્લામાં કોરોનાના કેસ(Corona Case)માં સતત ઘટાડો થઇ રહ્યો છે અને આજે 77 દિવસો બાદ કોરોનાના 10 પોઝિટિવ કેસો(Positive Case) નોંધાયા છે. જેની સાથે એક્ટિવ કોરોનાના દર્દીઓની સંખ્યા ઘટીને 130 પર પહોંચી છે. જ્યારે આજે કોરોનાથી એકપણ મૃત્યુ નોંધાયુ નથી.

• જિલ્લામાં આજે 29 દર્દીઓ કોરોનાથી સાજા થયા
• હવે જિલ્લામાં 130 એક્ટિવ કોરોના કેસો(Corona Case)રહ્યા
• આજે કોરોનાથી એકપણ મૃત્યુ નથી
• નવસારીમાં અત્યાર સુધીમાં કુલ 6733 દર્દીઓએ કોરોનાને હરાવ્યો

નવસારીઃ ફેબ્રુઆરી બાદ વધેલા કોરોનાના કેસ(Corona Case) માર્ચના મધ્ય બાદ તેજ ગતિએ વધ્યા હતા. જેમાં એપ્રિલમાં કોરોનાએ હાહાકાર મચાવ્યો હતો. પરંતુ મે મહિનામાં કોરોનાના કેસ(Corona Case)માં ઘટાડો થતો ગયો છે અને જૂન મહિનામાં કોરોના નામશેષ થવા જઈ રહ્યો છે.

નવસારીમાં 77 દિવસ બાદ કોરોનાના 10 નોંધાયા પોઝિટિવ કેસ

આ પણ વાંચોઃ નવસારીમાં કોરોનાના નવા 32 કેસની સાથે એક્ટિવ કેસની સંખ્યા 468 થઈ

આજે 29 દર્દીઓ કોરોનાથી સાજા થયા

આજે 77 દિવસો બાદ નવસારી જિલ્લામાં 10 કોરોનાના પોઝિટિવ કેસો(Positive Case) નોંધાયા છે. જેની સામે આજે 29 દર્દીઓ કોરોનાથી સાજા થયા હતા. જેની સાથે જિલ્લામાં એક્ટિવ કોરોના દર્દીઓની સંખ્યા 130 પર પહોંચી છે. જ્યારે આજે આરોગ્ય વિભાગના ચોપડે એકપણ મોત નોંધાયુ નથી

આ પણ વાંચોઃ નવસારીમાં કોરોનાના કેસ વધ્યા, રવિવારે નવા 146 કેસ નોંધાયા

જિલ્લામાં કુલ 7052 કોરોના પોઝિટિવ કેસો નોંધાયા

નવસારીમાં 14 મહિનાથી કોરોનાએ હાહાકાર મચાવ્યો છે. જેમાં દોઢ માહિનાથી કોરોનાના પોઝિટિવ કેસ(Positive Case)માં સતત ઘટાડો નોંધાઇ રહ્યો છે. ત્યારે અત્યાર સુધીમાં કુલ 7,052 લોકો કોરોના પોઝિટિવ નોંધાયા છે. જેની સામે 6,733 દર્દીઓએ કોરોનાને હરાવ્યો છે. જ્યારે આરોગ્ય વિભાગના ચોપડે અત્યાર સુધીમાં 189 દર્દીઓએ કોરોનાથી જીવ ગુમાવ્યો છે.