આદિત્ય ગ્રુપ દ્વારા કર્મચારીઓમાં હેલ્મેટનું વિતરણ, કાયદાનું પાલન કરવા કર્યુ સુચન

નવસારીઃ સરકાર દ્વારા નવા ટ્રાફીક નિયમ અંતર્ગત વલોટી ખાતે આદિત્ય ગ્રુપે તેમના કર્મચારી માટે ખાસ કાર્યક્રમનું આયોજન કર્યું હતું. તેમના કર્મચારીઓને કંપની દ્વારા હેલ્મેટનું વિતરણ કરી કાયદાનું પાલન કરવા અનુરોધ કર્યો હતો.

નવા ટ્રાફીક નિયમ અંતર્ગત આદિત્ય ગ્રુપ દ્વારા તેમના કર્મચારી માટે ખાસ કાર્યક્રમનું આયોજન કરવામાં આવ્યું હતું, જેમાં જિલ્લા ટ્રાફિક પોલીસના હસ્તે ટ્રાફિક નિયમ અંગેની જાગૃતિ માટે પત્રિકાનુ વિતરણ કરવામાં આવ્યું હતું. નવસારી ટ્રાફિક પોલીસ સબ ઇન્સ્પેકટર એચ.એચ. રાઉલજી અને તેમની ટીમે પ્રજાકીય સમજણ આપી હતી.

સરકાર દ્વારા નવા ઘડાયેલ ટ્રાફીક નિયમનું લોકો સન્માન ભેર પાલન કરે, એ હેતુસર આદિત્ય ગ્રુપ દ્વારા એક કાર્યક્રમનુ આયોજન કર્યું હતું. નવસારી લોકસભા સાંસદ સી.આર.પાટીલ, ગણદેવી મત વિસ્તારના ધારાસભ્ય નરેશ પટેલ તેમજ જિલ્લા પંચાયતના પ્રમુખ અમિતાબેન પટેલ સહીત લોકો નવસારી RTOએ ઉપસ્થિત રહી કંપનીના કર્મચારીઓને હેલ્મેટનુ વિતરણ કરી કાયદાનું પાલન કરવા અપીલ કરી હતી.