નવી દિલ્હીઃ આઈપીએલમાં અત્યાર સુધી આપણે ઘણા રેકોર્ડ અને ચમત્કાર જોયા છે. પરંતુ આ વખતે ઈન્ડિયન પ્રીમિયર લીગના ઈતિહાસમાં એવો ચમત્કાર થવા જઈ રહ્યો છે જેની ભાગ્યે જ કોઈએ કલ્પના કરી હશે. ખરેખર, એક 13 વર્ષના છોકરાએ IPL 2025ની મેગા ઓક્શનમાં પોતાનું નામ નોંધાવ્યું હતું. આ છોકરાનું નામ IPL બોર્ડ દ્વારા શોર્ટલિસ્ટ કરાયેલા ખેલાડીઓની યાદીમાં પણ છે.
આ યુવા ખેલાડી 30 લાખ રૂપિયાની મૂળ કિંમત સાથે હરાજીમાં ઉતરશે. આ સાથે બધાને આશ્ચર્ય થાય છે કે, આટલી નાની વયના છોકરાને હરાજી માટે પસંદ કરવામાં આવ્યો. અને આ વખતે તેને જે પણ ફ્રેન્ચાઇઝી મળશે, તે રોમાંચક રહેશે. આવી સ્થિતિમાં ચાહકોના મનમાં એક સવાલ ઉઠી રહ્યો છે કે આ છોકરો કોણ છે? તે ક્યાંથી આવ્યો? તો ચાલો જાણીએ.
Great news for cricket fans!
— Bihar Foundation (@biharfoundation) September 2, 2024
Young sensation Vaibhav Suryavanshi, just 13, from Samastipur, Bihar, has made it to the Indian Under-19 cricket team. He'll be showcasing his batting skills against Australia in a crucial series.
He made history as one of the youngest players… pic.twitter.com/L9a5BRiNIe
કોણ છે આ 13 વર્ષનો ક્રિકેટર?
બિહારના વૈભવ સૂર્યવંશીનો જન્મ 2011માં થયો હતો. હાલમાં તેની ઉંમર 13 વર્ષની છે. તાજપુર ગામના વતની વૈભવે ચાર વર્ષની ઉંમરે બેટ ઉપાડ્યું હતું. વૈભવના પિતા સંજીવ સૂર્યવંશી, જેમણે નાની ઉંમરમાં જ તેના પુત્રના ક્રિકેટ પ્રત્યેના પ્રેમનો અહેસાસ થયો હતો, તેમણે વૈભવ માટે ખાસ મેદાન બનાવ્યું હતું. ચાર વર્ષ પછી તેને સમસ્તીપુરની ક્રિકેટ એકેડમીમાં દાખલ કરવામાં આવ્યો.
ત્યાં બે વર્ષ સુધી તાલીમ લીધા બાદ વૈભવ અંડર-16 ટીમમાં જોડાયો. તે સમયે વૈભવ માત્ર 10 વર્ષનો હતો. તે ઉંમરે વૈભવે બિહાર રાજ્ય સ્તરની તમામ ટુર્નામેન્ટ જીતી હતી. આ પછી વિનુ વૈભવે માંકડે ટુર્નામેન્ટમાં શાનદાર પ્રદર્શન કર્યું હતું. જેના પર બિહાર ક્રિકેટ બોર્ડનું ધ્યાન ગયું હતું. અને આ ત્યારબાદ 2024માં બિહાર માટે ફર્સ્ટ ક્લાસ ક્રિકેટમાં ડેબ્યૂ કર્યું.
🚨 13 YEAR OLD VAIBHAV SURYAVANSHI IS THE YOUNGEST TO BE SHORTLISTED...!!! 🚨 pic.twitter.com/91uuXmzQRc
— Mufaddal Vohra (@mufaddal_vohra) November 15, 2024
આ પછી તેને ટીમ ઈન્ડિયાની અંડર 19 ટીમમાં પણ પસંદ કરવામાં આવ્યો હતો. તે હાલમાં 2024-25 રણજીમાં રમી રહ્યો છે. ડાબોડી બેટ્સમેન વૈભવની ખાસિયત આક્રમક રીતે રમવાની છે. IPL 2025ની મેગા હરાજી 24 અને 25 નવેમ્બરે જેદ્દાહ (સાઉદી અરેબિયા)માં યોજાશે. આ હરાજીમાં વૈભવ સૌથી યુવા ખેલાડી હશે, જ્યારે ઈંગ્લેન્ડનો ફાસ્ટ બોલર જેમ્સ એન્ડરસન (42 વર્ષ) સૌથી મોટી ઉંમરનો ખેલાડી હશે.
આ પણ વાંચો:
