- ઉપરાષ્ટ્રપતિ વેંકૈયા નાયડુ આજે કેવડિયાની મુલાકાતે
- આજે બપોરે 2.30 કલાકે વડોદરા એરપોર્ટ પર થશે આગમન
- ટેન્ટ સીટી-2માં કોન્ફરન્સ હોલની મુલાકાત લેશે
નર્મદાઃ જિલ્લાના કેવડિયા ખાતે આવેલા ટેન્ટસિટી-2 ખાતે 25 તારીખથી 80 મી રાજ્ય વિધાનસભાના અધ્યક્ષોની પરિષદ યોજાવવાની છે, ત્યારે મંગળવારે ઉપરાષ્ટ્રપતિ વેંકૈયા નાયડુનું બપોરે 2.30 કલાકે વડોદરા એરપોર્ટ પર આગમન થશે, જ્યાથી તેઓ હેલીકૉપટર દ્વારા કેવડિયા આવશે. જેની તૈયારીઓ તંત્ર દ્વારા પૂર્ણ કરી દેવામાં આવી છે.
સુરક્ષા વ્યવસ્થા માટે હેલિપેડ પર 50 થી વધુ પોલીસ કર્મીઓ ગોઠવવામાં આવ્યા
ઉપરાષ્ટ્ર્પતિ વેંકૈયા નાયડુની સુરક્ષા વ્યવસ્થા માટે કેવડિયા પાસે બનાવેલા હેલિપેડ પર 50 થી વધુ પોલીસ કર્મીઓ ગોઠવવામાં આવ્યા છે અને જેવો કેવડિયા એરપોર્ટ પર થી VIP સર્કિટ હાઉસ ખાતે જશે, ત્યારબાદ જ્યાં 80 મી રાજ્ય વિધાનસભાના અધ્યક્ષોની પરિષદ યોજાવાની છે, ત્યા ટેન્ટ સીટી-2માં જશે અને તમામ કોન્ફરન્સ હોલની મુલાકાત કરશે.
રાષ્ટ્પતિ રામનાથ કોવિંદ આવતીકાલે કેવડિયા આવશે
મંગળવારે બપોરે લોકસભાના અધ્યક્ષ ઓમ બિડલા પણ આવી રહ્યા છે. જેવો બપોરે 1.15 કલાકે અમદાવાદ રિવરફ્રન્ટથી સી પ્લેન દ્વારા કેવડિયા આવશે. 2.20 વાગ્યે કેવડિયા ઉતરશે અને ટેન્ટ સીટી ખાતે પહોંચશે. આ ઉપરાંત આવતીકાલે બુધવારે રાષ્ટ્પતિ રામનાથ કોવિંદ પણ કેવડિયા ખાતે આવશે. રાષ્ટ્રપતિ 80મી ઓલ ઇન્ડિયા પ્રિસાઈડિંગ ઓફિસર્સ કોન્ફરન્સમાં હાજરી આપશે. જેમની સાથે કોન્ફરન્સમાં લોકસભા અધ્યક્ષ, રાજ્યસભાના ઉપાધ્યક્ષ અને તમામ વિધાનસભાનાં અધ્યક્ષ અને ઉપાધ્યક્ષ હાજર રહેશે. રાષ્ટ્રપતિ એરફોર્સના વિમાન મારફતે 9.50 કલાકે વડોદરા પહોંચશે.
