સ્ટેચ્યુ ઓફ યુનિટીના લોકાર્પણને 6 મહિના થઇ ગયા છે. આ 6 મહિનામાં એટલે કે 31 એપ્રિલ સુધીમાં 13,73,523 પ્રવાસીઓએ મુલાકાત લીધી છે અને સરદાર વલ્લભભાઈ પટેલ રાષ્ટ્રીય એકતા ટ્રસ્ટને આ 6 મહિનામાં ₹ 34,48,53,853ની અધધધ આવક થઇ છે. જો મહિના પ્રમાણે પ્રવાસીઓની સંખ્યા જોઈએ તો ગત 1 નવેમ્બર 2018થી આ સ્ટેટ્યૂ ઓફ યુનિટી જાહેર જનતા માટે ખૂલ્લું મુકાયું હતું. નવેમ્બર -2018માં 3,78,562 પ્રવાસીઓ મુલાકાતે આવ્યા હતા અને આવક 6,47,63,443 ₹ થઇ હતી. જ્યારે ડિસેમ્બર 2018માં 2,50,113 પ્રવાસીઓએ મુલાકાત લીધી હતી જેની આવક 5,70,41,060 ₹ થઇ હતી.
જાન્યુઆરી 2019માં 2,83,298 પ્રવાસી આવ્યા હતા અને આવક 7,00,42,020 ₹ થઇ હતી . ફેબ્રુઆરી 2019માં 2,10,600 પ્રવાસીઓએ મુલાકાત લીધી અને આવક 5,60,87,710 ₹ થઇ હતી. માર્ચ 2019માં 2,02,312 પ્રવાસીઓએ મુલાકાતે આવ્યા હતા અને આવક 5,22,56,580 ₹ થઇ હતી. જ્યારે એપ્રિલમાં 4,44,522 પ્રવાસીઓ આવ્યા અને આવક 7,9941,06 ₹ થઇ હતી. વેકેશનનો સમય હોવાથી રોજના 10થી 12 હજાર પ્રવાસો સ્ટેટ્યૂ ઓફ યુનિટીની મુલાકાત લઇ રહ્યા છે, આ સ્ટેટ્યૂને નિહાળી પ્રવાસીઓ આનંદની લાગણી વ્યક્ત કરી રહ્યા છે.
હાલ ઉનાળાની સિઝન ચાલી રહી છે અને ગુજરાતમાં પણ ગરમીનું પ્રમાણ આ વર્ષે 42 ડિગ્રીની આસપાસ રહ્યું છે. ત્યારે સ્ટેચ્યુ ઓફ યુનિટી વિસ્તારમાં પણ આ વખતે ગરમીએ માઝા મુકી છે. પરંતુ આ ગરમીમાં પણ પ્રવાસીઓનું આકર્ષણ ઓછું થયું નથી અને તેનું કારણ એ છે કે, અહીં આવતા પ્રવાસીઓ માટે તંત્ર તરફથી ખાસ સુવિધાઓ ઉભી કરવામાં આવી છે. જેમાં સ્ટેટ્યૂ ઓફ યુનિટી સુધી પહોંચવા માટે ખાસ એક્સસેલેટર બનાવવામાં આવ્યા છે. આ ઉપરાંત અશક્ત અને ચાલી ન શકે તેવા પ્રવાસીઓ માટે વહીલ ચેરની સુવિધા પણ ઉપલબ્ધ કરાવી છે. આ ઉપરાંત તમામ જગ્યા એ શેડ પણ બનાવવામાં આવ્યા છે. ત્યારે પ્રવાસીઓ આટલી ગરમીમાં પણ અહી આહલાદાયક વાતાવરણનો અનુભવ કરે છે અને આ સ્ટેટ્યૂ ઓફ યુનિટી ગુજરાતમાં નહિં પણ કોઈ વિદેશી પર્યટક સ્થળ હોય તેવો અનુભવ કરે છે.
