હાલ નર્મદા અને સ્ટેચ્યુ ઉપર ફરવા આવતા પ્રવાસીઓને આ આકાશી નજારો જોવાનો લ્હાવો મળી શકતો નથી. લીમડી બરફળિયા પાસે જે હેલિપેડ જે.પી કંપની દ્વારા બનાવવામાં આવ્યું હતું અને આ ખાનગી એજન્સીને આપવામાં આવી હતી. હાલ આ હેલીપેડ સામે જ જંગલ સફારી બનાવવામાં આવી રહ્યું છે.
હાલ પક્ષીઓ, પ્રાણીઓ લાવવાની શરૂઆત થઇ ગઈ હોવાથી હેલીકૉપટર ના અવાજથી આ પ્રાણીઓ ગભરાય છે. જેમને નુકશાન ન થાય તે માટે હેલીકૉપટર સેવાની સંસ્થાને તંત્ર દ્વારા નોટિસ આપી હાલ બંધ કરાવી દેવામાં આવી હતી.
મહત્વનું છે કે, બીજીકોઈ જગ્યા પસંદ કરે ત્યારે આ સેવા પુનઃ શરૂ થાય એમ છે. પરંતુ જે સ્ટેચ્યુ પાસે આ ખાનગી એજન્સીને સફળતા મળતી તેવી ન પણ મળે જેથી હાલ હેલીકૉપટર સેવા પર બ્રેક લાગી શકે છે.
