નર્મદા ડેમ પ્રથમ વાર ઐતિહાસિક સપાટી 137 મીટરને પાર

નર્મદા: રાજ્યમાં પડી રહેલા અવિરત વરસાદને કારણે સરદાર સરોવર ડેમ ઐતિહાસિક સપાટીએ પહોંચ્યો છે. ડેમમાં પાણીનો પ્રવાહ સતત વધી રહ્યો છે અને હાલ સપાટી ઇતિહાસમાં પ્રથમવાર 137.08 મીટરને પાર પહોંચી ગઇ છે. જેમાં ડેમમાં હાલમાં 8,30,558 ક્યુસેક પાણીની આવક થઈ રહી છે.

નર્મદા ડેમમાં પાણીનો પ્રવાહ વધતા ડેમના 23 દરવાજા 4.15 મીટર સુધી ખોલીને 8,30,915 ક્યુસેક પાણી નદીમાં છોડાઈ રહ્યું છે. ડેમના 23 દરવાજામાંથી સતત 8 લાખ ક્યુસેક પાણી નર્મદા નદીમાં વહી રહ્યું છે. જેને કારણે નર્મદા ભરૂચ અને વડોદરાના 144 ગામોને હાઇએલર્ટ પર મુકવામાં આવ્યા છે.