મોરબી કંડના હાઈવે પર દારૂની હેરાફેરી કરનારા બે ઝડપાયા

મોરબી પેટા ચૂંટણી પૂર્વે બુટલેગરો સક્રિય બન્યા હોવાથી અને દારૂની હેરાફેરી થઈ રહી છે. એલસીબી ટીમે કંડલા નેશનલ હાઈવે રોડ પરથી બોલેરો કારમાંથી ઈંગ્લિશ દારૂનો જથ્થો ઝડપી લઈને બે આરોપીને દબોચી લીધા હતા. બંને આરીપી બોલેરોમાં દારૂ લાવી રહ્યા હતા.

• દારૂબંધી છતાં મોરબીમાં વિદેશી દારૂ ઝડપાયો
• પોલીસે બોલેરો કારને પકડી 2 આરોપીની કરી ધરપકડ
• એલસીબીએ કંડલા નેશનલ હાઈવે પરથી પકડ્યા આરોપીઓને

મોરબીઃ મોરબી પેટા ચૂંટણીમાં દારૂની હેરાફેરી રોકવા એલસીબી ટીમ પેટ્રોલિંગમાં હતી. તે દરમિયાન પોલીસને બાતમી મળી હતી કે અહીંથી વિદેશી દારૂ ભરેલી ગાડી આવવાની છે. એટલે પોલીસે કંડલા નેશનલ હાઈવે રોડ પરથી બોલેરો પીકઅપ ગાડીને રોકી હતી, જેમાંથી દારૂ ઝડપાયો હતો.

એલસીબી ટીમે વોચ ગોઠવી બોલેરો પીકઅપ આરજે 46 જીએ 0968ને આંતરી તપાસ કરતા બોલેરોમાંથી ઈંગ્લીશ દારૂના પાઉચ (નાના બોક્સ) નંગ 2016 કિંમત રૂ. 201600 અને બોલેરો પીકઅપ વાહન કિંમત રૂપિયા 2 લાખ અને 2 મોબાઈલ ફોન કિંમત રૂપિયા 6 હજાર મળીને કુલ રૂપિયા 4,07,600ની કિંમતનો મુદામાલ જપ્ત કર્યો છે અને માળિયા પોલીસ મથક ખાતે ગુનો દાખલ કરાવી આગળની તપાસ હાથ ધરી છે.